Saq.kz
Жыл сайын еліміздің барлық аймақтарында донор болуға үндейтін шаралар кеңінен өткізіліп келеді. Осы орайда Түркістан облысындағы Асықата ауруханасында да «Донор бол, өзгеге өмір сыйла» атты Акция күні өткізілуде. Бұл күні кез келген адам мұқтаж науқастарға көмектесу үшін қан, плазма немесе доноры бола алады. Дәрігерлер бұл маңызды мәселеге халықтың назарын аударып, халықты белсенді қатысуға шақыратын арнайы шаралар өткізеді.
Әрбір донор көмекке мұқтаж жандарға үміт артады. Сондықтан донорлықтың маңыздылығын есте ұстаған жөн және біреудің өмірін сақтап қалу үшін қаныңыз бен бөлісу маңызды. Донор күні – көмекке мұқтаж жандар үшін қайырымды іс жасап, нағыз қаһарманға айналу мүмкіндігі.
Алдын ала барлық кент тұрғындарына және мекемелерге хабарландыру жасап, донор болуға шақыртылды. Қан тапсыруға келген азаматтардың барлығы бұл қадамын өздерінің парызы деп есептейді. Биылғы қатысушылардың саны да орасан зор. Жергілікті медицина қызметкерлері қан тапсыру орталығын құрды, онда әрбір тұрғын процедура алдында медициналық тексеруден өте алады. Барлығы оқытылып, қан тапсыру процесі туралы қажетті ақпарат алды.
Процедураның қауіпсіздігін қамтамасыз ету үшін донорлар жасы мен денсаулығына қарай топтарға бөлінді. Барлық қатысушылар жоғары жауапкершілік пен қанға зәру жандарға көмектесуге дайын екендіктерін көрсетті. Осы науқанның арқасында адам өмірін сақтап қалуға жұмсалатын көп мөлшерде қан жинауға мүмкіндік туды. Барлық қатысушылар өздерінің қайырымдылық іске үлес қоса алғандарын мақтан тұтатындарын айтты.
Бұл акция қиын сәтте бір-біріне қол ұшын беруге дайын тұратын ауыл тұрғындарының ауызбіршілігі мен ынтымағының жарқын үлгісі болды. Мұндай бастамалар дәстүрге айналып, қоғам денсаулығы мен әл-ауқатын сақтау үшін жүйелі түрде өткізіліп тұратын болады.
Медициналық қызметкерлері арасында да осындай кезекті акцияға қатысып , қан тапсыруға ниет білдіргендердің көптігімен ерекшеленді. 18-жасқа толған және тиісті медициналық тексерістен өтіп, медициналық қарсы көрсетілімі жоқтардың барлығы да донор болып, қайырымды іске мұрындық бола білді.
