фото ТОСБҚ
Бәйдібек аудандық сотында Қазақстан Республикасының ҚК-нің 346-бабының 1-бөлігімен айыпталған О.-ға қатысты қылмыстық істі қарады. О. 2021 жылы сот қаулысымен ӘҚБтК-нің 608-бабының 3-бөлігімен алкогольдық масаң күйінде көлікті жүргізгені үшін 7 жылға көлікті басқару құқығынан айырылған адам бола тұра, 2025 жылдың 26 қаңтарында сағат түнгі 02:30 шамасында «Мерседес Бенз» автокөлігін Ордабасы ауданы «Төрткөл-Бөген» тас жолында ауыр дәрежедегі алкогольды масаң күйінде басқарған.
Прокурор О.-ны тағылған айыппен кінәлі деп танып, бір жылға бас бостандығынан айырып, өмір бойына көлік құралын басқару құқығынан айыруды сұрады.
О. кінәсін толық мойындап, ісіне өкінетінін, соттан бас бостандығынан айырмайтын жаза тағайындауды сұрады.
О.-ның кінәсі сотта берген жауаптарымен, сараптама қорытындыларымен және істің басқада құжаттарымен толық дәлелденді.
Сот, О.-ға жаза тағайындау кезінде, жауаптылық пен жазаны жеңілдететін мән-жайға кінәні мойындауын, болған іске өкінетінін ескерген. Ауырлататын мән-жайларды анықтамаған.
О. ҚР ҚК 346-бабының 1-бөлігінде көзделген қылмыстық құқық бұзушылықты жасағаны үшін кінәлі деп танылып, оған өмір бойына көлік құралдарын басқару құқығынан айырып, 1 (бір) жыл мерзімге бас бостандығынан айыру жазасын тағайындады. Үкім заңды күшіне енбеді.
