фото iz.ru
Шымкент қаласының қылмыстық істер жөніндегі мамандандырылған ауданаралық сотында ҚК-нің 24-бабы 3-бөлігі, 297-1-бабы 3-бөлігінің 1), 3) тармақтарымен (алдын ала сөз байласқан адамдар тобымен, аса ірі мөлшердегі психотроптық заттарды, өткізу мақсатында заңсыз дайындау, өзіне байланысты емес мән-жайлар бойынша ақырына дейін жеткізе алмаған) айыпталған М.-ға қатысты қылмыстық іс қаралды.
Сотталушы 2024 жылдың қыркүйек айында «Telegram» мессенджері арқылы белгісіз тұлғамен жылдам ақша табу мақсатында психотропты затты заңсыз өткізу мақсатында дайындауға сөз байласқан.
Яғни, Шымкент қаласының аумағынан жер үйді жалға алып, Алматы қаласынан психотроптық заттарды дайындауға арналған арнайы прекурсорлары мен химиялық қоспаларын сатып алып, жалға алған жер үй ауласының моншасындағы зертханаға жеткізіп, зертхананы жабдықтап, аса ірі мөлшердегі жалпы салмағы 2624,2 граммды құрайтын а-пирролидиновалерофенон (а-PVP) психотроптық заттарын дайындау кезінде құқық қорғау органдарының қызметкерлерімен құрықталған.
Сотталушы М.-ның тінту хаттамаларымен, кінәсін мойындап берген жауаптарымен, сот сараптамаларының қорытындыларымен және өзге де құжаттармен дәлелденеді.
Жаза бойынша тараптардың ұстанымы:
Прокурор бас бостандығынан айыру жазасын тағайындауды сұрады.
Сотталушы жасаған қылмыстық әрекетіне өкінетінін және төменгі жазаны тағайындауды сұрады.
Сот, сотталушының қылмыстық жауапкершіліктерін жеңілдететін мән-жайлар ретінде бұрын сотты болмағанын, асырауында жасөспірім балаларының барын ескерген, ал ауырлататын мән-жайлар анықталған жоқ.
Сот, М.-ны ҚК-нің 24-бабы 3-бөлігі, 297-1-бабы 3-бөлігінің 1),3) тармақтарымен кінәлі деп танып, 8 жыл 5 ай мерзімге бас бостандығынан айыру жазасын тағайындады. Үкім заңды күшіне енген.
