Түркістан қаласы әкімдігі қала тұрғындары тарапынан балаларға арнап сыйлықтар тарту етуде.
Жаңа жылдық сый-сияпаттар Түркістан қаласы әкімдігінің «Адами капиталды дамыту бөлімінен» 9-13 жас аралығындағы жетім, ата-анасының қамқорлығынсыз қалған, аз қамтылған және көпбалалы отбасылардан шыққан, ерекше білім беру қажеттіліктері бар 40 балаға берілді. Қосымша 100 сыйлық жеке кәсіпкерлерлер тарапынан балаларға қуаныш сыйламақ.
Сонымен қатар, жаны жомарт азаматтар есебінен берілген сыйлықтарды Түркістан қаласы әкімдігінің «Жұмыспен қамту және әлеуметтік бағдарламалар бөлімі» мамандары таратуда. Бүгін жаңа жылдық мерекеге орай аз қамтылған және көпбалалы 200 отбасындағы балаға сыйлық үлестірілді. Алдағы уақытта кәсіпкерлер тарапынан тағы да сыйлықтар үйме-үй жіберіледі деп күтілуде.
