Әлеумет

Сүйіктісінің телефонын тартып алған жас жігіт ұсталды

Редактор 19.07.2022 12901 1 оқу мин

Қылмыс үлкен, кіші болып бөлінбейді. Қылмыс жасағанға әлбетте жаза бар. Түркістан облысына қарасты Сарыағаш аудандық полиция бөліміне жергілікті тұрғын арызданды. Жас қыздың айтуынша, өзінің танысы «Iphone 12 Pro Max» маркалы ұялы телефонын тартып алып кеткен. Әрине қымбат телефонның құны да аз емес. Жәбірленушіге келген шығын көлемі 400 000 теңгені құрады. Аталған жайтты полиция қызметкерлері ҚР ҚК-нің 389-бабы «Өзінше билік ету» бойынша тіркеуге алды. Тәжірибелі тәртіп сақшылары күдіктіні тез арада ұстауға барын салды. Олар сезіктіні тауып, полиция бөліміне жеткізді. Анықталғандай, жас жігіт жәбірленуші қыздың сүйіктісі болып шықты. Екі жастың араындағы ұрыс керіс соңы осылай аяқталған. Сүйіктісіне ызасы келген жігіт қыздың ұялы телефонын өзінше билік етіп, алып кеткен. Ол аздай телефонды сатып, ақшасын жаратып жіберген. Арты бұлай болады деп ойламаса керек. Қазіргі таңда күдіктіге қатысты сотқа дейінгі тергеу амалдары жүргізілуде.

Добавить комментарий Отменить ответ