Бәйдібек ауданы көлемінде төтенше жағдайлардың алдын алу және оларды жою бойынша командалық-штабтық оқу-жаттығу жиыны өтті. Оқу-жаттығу барысында төтенше жағдайдың алдын алу бойынша құтқару және кезек күттірмейтін жұмыстарды жүргізу орындарына жіберу маршруттарын анықтау жайы пысықталды. Сондай-ақ авариялық құтқару бойынша аудандық жедел ден қою жасағы орталық алаңға жиналып, сапқа тұрғызылды. Шараға қатысқан Түркістан облысы төтенше жағдайлар департаменті азаматтық қорғаныс басқармасының бастығы, подполковник Қанат Қарабалаев, Бәйдібек ауданы әкімінің орынбасары Бағдатбек Жанғазиев пен аудандық төтенше жағдайлар бөлімінің бастығы Қанат Әуелбеков қызметкерлердің дайындық барысын бақылап, тексерді. Оқу-жаттығу аясында өртке қарсы қызмет, жедел жәрдем медициналық көмек көрсету, радициялық және химиялық барлаушылар қызметі, электр қуатымен және байланыспен қамтамасыз ету қызметтері, қауіпсіздік, жануарларды және өсімдіктерді қорғау, жолдар мен көлік және жанар-жағармаймен қамту, құтқару қызметінің дайындығы және басқа да бірқатар қызметтер пысықталды.
