Түркістан облысына қарасты Төлеби ауданында тіл саясатын дамыту және оқу мәдениетін насихаттау бағытында түрлі іс шаралар ұдайы өткізіліп тұрады. Аудандағы түрлі этнос өкілдерінің жастары арасында биыл Төле бидің туғанына – 360 жыл толуына орай, «Төле бабамыздың өмір жолы мен шешендік сөздері» атты тақырыпта интелектуалды сайыс өтті. Төлеби аудандық ішкі саясат бөлімінің әлеуметтік тапсырысы аясында «BAGLAN-GROUP» қоғамдық қорының қолдауымен түрлі этнос өкілдерінің жастары арасында биыл Төле бидің туғанына – 360 жыл толуына орай, «Төле бабамыздың өмір жолы мен шешендік сөздері» атты тақырыпта интелектуалды сайыс ұйымдастырылып өткізілді. Өткізілген іс-шараның басты мақсаты аудан аумағындағы түрлі этнос өкілдері арасында мемлекеттік тілді насихаттау, құрметтеу, сондай-ақ, қазақ әдебиетіндегі түрлі ақын-жазушылардың Тәуелсіздік жайында жырлаған шығармалары арқылы өскелең ұрпақ бойына дұрыс тәлім-тәрбие беріп, жастарды патриоттыққа, отансүйгіштікке баулу, болашақ ұлтжанды ұрпақ тәрбиелей түрлі этос өкілдері жастарының сөз шеберліктерін шыңдау мен жастар арасынан талантты, дарынды жастарды анықтау болып табылады. Аудан аумағынан сайысқа жалпы 5 мектеп сынға түсіп, бар өнерлерін ортаға сала білді. Сайыс нәтижесі бойынша; І орын – Әл-Фараби ЖББМ-нің оқушылары, ІІ орын – Сұлтан-Рабат ЖББМ-нің оқушылары, ІІІ орын – №16 Ш.Уалиханов ЖББМ-нің оқушылары, IV орын – Жеңіс ЖББМ-нің оқушылары, V орын – М.Х.Дулати ЖББМ-нің оқушылары иемденіп, сайысқа қатысушы жеңімпаздар арнайы сыйлықтар және дипломдармен марапатталды. Сонымен қатар, іс-шараға оқушыларды дайындаған мектептің жетекші мұғалімдері аудандық мәслихаттың төрағасы Н.Қойбағаров пен аудан әкімінің орынбасары С.Дүйсебаевтың арнайы алғыс хаттары табысталды.
