Әлеумет

Қалалық әдістемелік семинары өтті

Редактор 14.10.2023 8457 1 оқу мин

Түркістан облысына қарасты Кентау қалалық білім бөлімі әдістемелік кабинетінің ұйымдастыруымен 2023 жылдың қазан айының 16-26 аралығында «Әдіскердің 10 күні» өтеді. Атамыш шараны өткізудегі мақсаты — әдіскерлер өз тәжірибесімен еркін форматта бөлісу, білім сапасын арттыру, кәсіби құзыреттілігін дамыту, әдістемелік сүйемелдеу болып табылады. Түрлі форматта өтетін онкүндікте кездесулер, сұқбат, спорттық ойындар түрлі іс-шаралар ұйымдастырылады. Қала педагогтері үшін ұйымдастырылатын «10 күндікте» әдістемелік кабинет әдіскерлері алдағы уақытта да аталған апталықты жалғастыратын болады. Бұдан кейін Кентау қалалық білім бөлімінің әдістемелік кабинетінің жылдық жоспарына сәйкес әл-Фараби атындағы №14 мектеп-гимназиясында «Жас маман және әдіскер» атты қалалық әдістемелік семинары өтті. Жиын мақсаты — жас мамандарды педагогикалық жаңашылдыққа үйрету; әдістемелік көмек көрсету арқылы жас мамандардың кәсіби құзіреттіліктерін дамыту және жас маман мен тәлімгер ұстаз (әдіскер) арасындағы байланысты жандандыру болып табылады. Жиынға Кентау қаласы білім бөлімі әдістемелік кабинет меңгерушісі Айгүл Амангелдіқызы және пән әдіскерлері, қала мектептерінің жас мамандары қатысты. Жиын соңында семинарға қатысушы қонақтар өткізілген ашық сабақтар туралы пікірлері мен ұсыныстарын ортаға салды.

Добавить комментарий Отменить ответ