«Білімді ұлт» сапалы білім беру» ұлттық жобасы Түркістан облысында қарқынды жүзеге асырылуда. Сапалы білім алған білімді ұрпақ түрлі халықаралық жобалар арқылы шетелдерде білім алуда. Мұның барлығы да ұлттық жобалардың арқасында. Жуырда яғни, 12.10.2023 жылы Түркістан облысы Білім беруді дамыту орталығының ұйымдастыруымен «BOLASHAQ» «Халықаралық бағдарламалар орталығы» акционерлік қоғамы және Жоғары оқу орындарынын өкілдерімен бірге «Өскенде кім боласың?» кәсіби бағдар беру мен мамандықты таңдауға көмектесу жобасы болып өтті. Мақсаты: Әрбір оқушының қабілеттілігі мен бейімділігін ескере отырып, кәсіптік қызығуы мен қабілеттілігін қалыптастыруға және мамандық таңдауға көмектесу. Міндеттері: — Оқушыларды көпшілік мамандықтар туралы түсінікпен қаруландыру; — Кәсіптік қызығуы мен бейімділігін, қабілеттілігін қалыптастыру және дамыту; — Мектеп бітіруші түлектерге мамандық таңдауға жан- жақты ақыл кеңес, бағыт бағдар беру; — Оқушыларды белгілі мамандықтың түрін меңгеруге бейімдеу. Жобаның тиімділігі/нәтижелігі: — Оқушы өзінің табиғи әлеуеті мен танымдық мүмкіндігін таниды; — Ішкі қажеттіліктері және бейімі негізінде кәсіп жолын анықтайды. Тікелей эфирге Facebook желісі арқылы «BOLASHAQ» халықаралық бағдарламасының түлектері, Жоғара оқу орындарынын өкілдері, Арыс, Созақ ауданының жалпы орта мектептерінің (9-10-11 сынып) оқушылары, олардың ата-аналары қатысуда. Қатысушы ауданға алдын-ала сілтеме беріліп отырады. Барлық эфирді Білім беруді дамыту орталығының парақшасынан көруге болады. Тікелей эфирде бүгін: «Халықаралық бағдарламалар орталығы» АҚ менеджері Садық Әсел Тәңірбергенқызы; Қожабек Әсемгүл Бауыржанқызы Зерттеуші (3 курс PhD), Bournemouth University, UK; Баймуратова Айгерим Бердибаевна Chocofood.kz Директор. «BOLASHAQ» «Халықаралық бағдарламалар орталығы» акционерлік қоғамының түлектері техникалық және IT мамандықтар туралы толық ақпарат беріп қатысушылармен кері байланыс жасап, ашық пікір алмасып түлектер, ата-аналар өзерінің қызықтыратын сұрақтарына жауап алды.
