Түркістан облысына қарасты Қазығұрт ауданы Сарапхана ауылдық кітапханасы оқырман мәдениет дамыту бағытында түрлі бағыттағы іс шараларды ұдайы өткізіп тұрады. Жуырда аталмыш руханият ордасында көрнекті балалар ақыны Мұзафар Әлімбаевқа 100-жыл толуына орай «Балалар әдебиетінің бағбаны» атты тақырыпта әдеби жыр кеш өткізілді. Аталмыш шараға қатысушылар қарасы көп болды. Аталмыш шараны өткізудегі басты мақсат — бала тәрбиесінің алтын қазығы туған ұясы, өз отбасындағы ата — ана тәрбиесі, оқу мәдениетін насихаттау, өнегесі және ата — ана баланың басты ұстазы екенін түсіндіру болып табылады. Бұдан бөлек, оқушылардың сана — сезімін дамыту, ата – ана мен баланың өзара түсіністіктерін арттыру, ата – ана, ұстаздар мен оқушылар арасында тығыз байланысты қалыптастыру да негізгі мақсат болып табылады. Қатысушылар ақынның өлеңдерін жатқа айтты. Көрнекті балалр ақынының шығармашылығы туралы кітапханашылар баяндама жасады. Кітап көрмесі де ұйымдастырылды. Бұдан кейін, Қазығұрт ауданына қарасты Үшбұлақ ауылдық кітапханасында ақын, аудармашы, тарихшы, сазгер, философ Шәкәрім Құдайбердіұлының туғанына 165 жыл толуына орай «Ұлы Даланың дарын иесі» тақырыбында ой-толғау сағаты өткізілді. Жас ұрпаққа Шәкәрім Құдайбердіұлының өмірі мен шығармашылығын таныстыру, оқырмандарға ұлылардың өмірінен үлгі алуға баулу бағытында ұйымдастырылды. Топтық жұмыс арқылы жас оқырмандар Ш.Құдайбердіұлының шығармашылығында көтерілген оқу-білімді насихаттау, рухани-адамгершілік құндылықтар және басқа да тілге, тәрбиеге қатысты өзекті мәселелер туралы ой толғады. Философиялық бағыттағы өлең арнауларын жатқа айтты. Ақынның жалпы шығармашылығына талдау жасалынды.
