Түркістан облысы Төлеби ауданындағы №8 колледжде өткен облыстық семинар-кеңесте «Колледждегі әлеуметтік-педагогикалық іс-шаралардың тиімділігін арттыру жолдары» тақырыбы талқыланды. Семинарға қатысушылар білім сапасын арттыру мақсатына тоқталды, сонымен қатар білім беру мекемесіндегі әлеуметтік педагогтардың жұмысын ұйымдастырудың тиімді стратегияларын қарастырды.
Іс-шара барысында студенттерге жеке қолдау көрсетуден бастап кәсіптік бағдар беру және әлеуметтендіру бағдарламаларын әзірлеуге дейінгі әлеуметтік педагогтар қызметінің әртүрлі аспектілеріне тоқталды. Студенттер арасында қолайлы білім беру ортасын құруға және әлеуметтік мәселелерді шешуге бағытталған табысты тәжірибелер ұсынылды.
Талқылаудың негізгі мәселелерінің бірі құжаттама рәсімдерін жетілдіру болды. Семинарға қатысушылар студенттердің оқу үдерісін мақсатты түрде қолдау үшін олар туралы ақпаратты жүйелеу мен талдаудың маңыздылығын атап өтті. Мұндай кездесулер білім беру мекемелерінің жұмысын жақсартуға және студенттерге сапалы білім беру мен әлеуметтік қолдау көрсетудегі тиімділігін арттыруға септігін тигізеді.
Түркістан облысы білім беруді дамыту орталығы ТжКБ кафедрасының меңгерушісі Ж.Дүйсебаева мен «Тәрбие және әлеуметтік психология» кафедрасының әдіскері Г.Әлімбекова және Түркістан облысы ТжКБ ұйымдарының әлеуметтік педагогтары қатысты. Семинар өте жоғары деңгейде ұйымдастырылған. Семинар барысында колледж басшысы Н. А. Калиева семинарға келген қонақтарға ізгі- ниетін білдіріп, жұмыстарына сәттілік тіледі. Әрі қарай, семинар- кеңестің күн тәртібіне байланысты «Техникалық және кәсіптік білім беру мазмұнын нормативтік құқықтық қамтамасыз ету» тақырыбы бойынша кафедра меңгерушісі Ж.Дүйсебаева баяндама оқыды.Жан жақты талдап өтті. «Техникалық және кәсіптік білім беру ұйымдары әлеуметтік педагогтарының жұмыс жүйесінің ерекшелігі» тақырыбында «Тәрбие және әлеуметтік психология» кафедрасының әдіскері Г.Әлімбекова презентациясын көрсетіп түсіндіріп қорғады.
