Түркістан облысына қарасты Келес ауданы әкімдігінің «Жастар ресурстық орталығы» КММ-нің “Жастарға қызмет көрсету”бөлімнің ұйымдастыруымен есірткі қылмысына қарсы іс-қимыл және құқықбұзушылық, нашақорлыққа қарсы насихаттау жұмысы жүргізілді. Аталмыш кездесу Абай ауылы “№2 Ө.Жәнібеков атындағы мектеп-Гимназия” 8-9-11 сынып оқушыларымен және мұғалімдермен кездесу өткізілді. Кездесу барысында мектеп оқушыларына темекі шегу, есірткі заттарды пайдаланудан аулақ болуға есірткі қылмысына қарсы іс-қимыл және құқық бұзушылықтың, нашақорлықтың алдын алу туралы айтылды. Мұндай іс-шараларды, әсіресе, мектеп оқушылары арасында өткізудің салауатты өмір салтын қалыптастыруда, құқық бұзушылықтың алдын алуда маңызы зор. Ауданда жастар арасындағы нашақорлық пен есірткі қылмысымен күресуде белсенді жұмыс жүргізіліп жатқаны мақтауға тұрарлық. Мұндай кездесулер есірткінің қауіптілігі мен денсаулыққа әсері туралы ақпарат берумен қатар, стрессті басқару стратегияларын талқылауға, шешім қабылдау дағдыларын дамытуға және әлеуметтік байланыстарды нығайтуға болады. Бұл жастарға өз өмірін салауатты және позитивті құндылықтар негізінде құруға көмектеседі. Еліміздің күрделі геосаяси аймақта орналасуы, халықаралық лаңкестіктіктің күшеюі қылмыстың өсуіне кері әсерін тигізетіні белгелі. Баршамызға белгілі, негізгі себеп болып отырған ортақ мәселе – ол нашақорлықтың алдын-алу және есірткі бизнесіне қарсы күресті жүргізу. Профилактикалық жұмыстарды белсенді жүзеге асыру, нашақорлар санының кемуіне, есірткіге деген сұраныстың азаюына, осы дертке қарсы күрестің басқа да әдістерімен қатар айтарлықтай жетістіктерге қол жеткізуге мүмкіндіктер береді. Осыған орай бүгінде мектептерде алдын алу жұмыстары қарқынды түрде жүргізілуде. Қазақстан Республикасының заңына сәйкес кәмелеттік жасқа толмаған жастардың түңгі 23:00 ден кейін заңды өкілінсіз көшеде немесе ойын сауық орталықтарында жүруі бойынша айтылып кетті және де оқушылармен сұрақ/жауап және пікір алмасу арқылы талқыланды. Алдағы уақытта мектеп оқушыларымен кездесу іс-шаралары жалғасатын болады
