Түркістан облысы Білім басқармасы «№19 колледж» МКҚК базасында «Атамекен» өңірлік Кәсіпкерлер палатасы тарапынан техникалық және кәсіптік білім беру ұйымдары арасында дуальды оқытуды кеңінен насихаттау, серпінді ендіру, дамыту, жұмыс берушілермен байланысты нығайту мақсатында колледж базасында кәсіпкерлермен кездесу өтті. Техникалық және кәсіптік білім беру ұйымдарында дуальді оқытуды дамыту мақсатында Түркістан облысының білім басқармасының базасында «Атамекен» өңірлік кәсіпкерлер палатасының кәсіпкерлермен кездесуі білім беру мекемелері мен кәсіптік білім беру ұйымдарының өзара іс-қимылын нығайтуға бағытталған маңызды шара болып табылады. Нақты еңбек жағдайындағы тәжірибені қамтитын дуалды оқыту – еңбек нарығының сұранысына сай мамандарды даярлаудың тиімді жолы. Мұндай кездесулер оқу орындары мен кәсіпорындар арасында серіктестік орнатуға, оқу бағдарламаларын нарық сұранысына бейімдеуге жағдай жасап, білім сапасын арттыруға септігін тигізеді. Жиынға қатысушылар, оның ішінде директордың өндірістік білім беру жөніндегі орынбасары М.Ахметов, «Атамекен» өңірлік кәсіпкерлер палатасының директоры С.Спабековтер дуальді оқыту жүйесінің тиімді тұстарына тоқталып, алдағы уақытта №19 колледжбен тығыз ынтымақтастық орнатуға дайын екендіктерін жеткізді. Мұндай ынтымақтастық дуальді білім беру жүйесін табысты енгізудің кілті болып табылады, өйткені ол оқу орындары мен кәсіпорындардың өзара жемісті әрекетін қамтамасыз етеді. №19 колледж студенттерді сапалы тәжірибеден өткізуге мүмкіндік алады, ал кәсіпкерлер өз кезегінде олардың қажеттіліктерін қанағаттандыратын жоғары білікті мамандарға қол жеткізе алады. Мұндай өзара тиімді ынтымақтастық еңбек нарығының талаптарына жауап беретін кадрларды даярлауға ықпал етіп, өңірдегі кәсіпкерліктің дамуына серпін береді.
