Оңтүстік Қазақстан облысына қарасты Ордабасы ауданындағы «Ордабасы құс» ЖШС-нің кешені жылына 8110 тонна тірі салмақта күркетауық етін өндіруге қауқарлы. Инвестициялық құны 3 млрд. 249 млн.теңгені құрайтын жобаның бірінші кезеңі индустриаландыру картасы аясында іске қосылып, жылына 4828 тонна тірі салмақта үндік етін өндіруге қол жеткізді. 280 адамды тұрақты жұмыспен қамтыған. Инвестициялық құны 2 млрд. 330 млн.теңгені құрайтын жобаның екінші кезеңі 2014 жылы жүзеге асты. 140 жұмысшымен толыққан фабика өнімі екі есеге ұлғайды. Ал, былтыр басталған жобаның үшінші кезеңі келер жылы іске қосылады деп күтілуде. Егер жоба толық жүзеге асса, мұнда жылына 20000 тонна тірі салмақта күркетауық етін өндіруге мүмкіндік тумақ. Қазір мұнда «ҚазАгроқаржы» АҚ арқылы қаржыландырылған жобаның инвестициялық құны 10 млрд. 150 млн.теңге, 100 жаңа жұмыс орны ашылады деп күтілуде. «Бизнестің жол картасы-2020» бағдарламасы бойынша үндік фабрикасына 53 млн. теңгеге газ құбыры тартылған. Индустриалды-инновациялық даму мемлекеттік бағдарламасы аясында іске қосылған кәсіпорында бүгінде 415 адам тұрақты жұмыс істейді. Өндіріс орны өндірген күркетауықтан жасалған қазыға бүгінде сұраныс артып отыр. Дәмі тіл үйіретін дәмге шетелден де сұраныс көп.
