Экономика

Төлеби ауданының өнеркәсібі өрістеп өркендеуде

Редактор 28.10.2022 4997 1 оқу мин

Түркістан облысына қарасты Төлеби ауданының өнеркәсібі өрістеп өркендеуде. Таулы аудан өнеркәсібінің негізгі бағыты жеңіл және тамақ өнеркәсібі. Бұл бағыттағы аудан потенциалы өте мол. Азық-түлік өнеркәсібінде өнім өндіру көлемі жыл сайын өсіп келеді. Экономиканың басты көрсеткіші болып табылатын жалпы өңірлік өнім көлемі 2022 жылдың басынан бері 95 млрд. 520 млн. теңгені құрып 2021 жылмен салыстырғанда өсім 3,5 пайызға немесе 3 миллиард 256 миллион теңгеге артты. Бюджеттің кіріс бөлігі: жоспар 116,0 пайызға немесе 275,3 млн.теңгеге жоспардан артық орындалған Кәсіпкерлік саласында жұмыс істейтін субъектілер саны 8121, оның ішінде жұмыс істеп тұрғаны — 7882 субъекті яғни, 97 пайыз. Жұмыспен қамтылғандар саны — 16 699 адам, 101,3 пайыз. Кіші және орта бизнесті дамыту үшін жыл басынан жеке азаматтарға 3 млрд 921 млн теңгенің несиесі берілді. «Бизнестің жол картасы-2025» бизнесті қолдау мен дамытудың мемлекеттік бағдарламасы шеңберінде жаңа бизнес-идеяларды іске асыруға мемлекеттік гранттар беру бойынша ауданнан 38 жоба қатысып, оның ішінен іріктеуден жалпы 10,0 млн теңгеге 2 жоба өтті. Жобалар жылдың соңына дейін «Даму» қоры арқылы қаржыландырылады.

Добавить комментарий Отменить ответ