Қазақстан Республикасы Тәуелсіздігінің 25 жылдығына арналған «Ұлы дала елі — Тәуелсіздіктің 25 негізі» атты 25 жұлдызды күн «ЖАҺАНДЫҚ БАСТАМАЛАР» акциясы аясында қалалық білім бөліміне қарасты білім беру мекемелерінде оқушылар арасында «Мәңгілік елдің жас ғалымдары» тақырыбында ғылыми жоба сайысы өтті. ОҚО Арыс қаласында ұйымдастырылған жобаның мақсаты оқушылардың ғылыми ізденіске деген қызығушылығын қалыптастыру, шығармашылық қабілетін дамыту, ғылыми зерттеу әдістерін үйрету, танымдық қызметін жандандыру, ғылыми шығармашылыққа баулу мен әлеуеттік белсенділігін дамыту болып табылады. Аталған байқауға 16 білім беру мекемелерінің жас ғалымдарының ғылыми жұмысы қатысып, байқау жеңімпаздары Алғыс хаттар және бағалы сыйлықтармен марапатталды.
