Саясат

Иманғали Тасмағамбетов мәлімдеме жасады

Редактор 07.02.2022 9448 1 оқу мин

Әлеуметтік желіде Қазақстанның Ресейдегі экс-елшісі Иманғали Тасмағамбетовтың фейк аккаунттары пайда болды. Stopfake.kz сайты хабарлағандай, Facebook пен Instagram желісінде Иманғали Тасмағамбетовтың атынан ашылған жалған парақшаларды кездестіруге болады. Бұл парақшаларға Қазақстан Республикасының белгілі мемлекет қайраткерінің еш қатысы жоқ. Мысалы, осы Instagram аккаунттарының бірі – tasmagambetov_official – 45 мыңнан астам жазылушы жинаса, екіншісі – imaangali_tasmagambetov – мыңнан астам жазылушыны жинаған. Facebook те оның атынан парақшалар ашылған. Иманғали Тасмағамбетов бұл аккаунттарға қатысы жоқ екенін мәлімдеп, әлеуметтік желілерде парақшалары жоқ екенін айтты: – Құрметті достар! Әлеуметтік желілерде менің атымнан жалған аккаунттар мен фейк парақшалар пайда болған. Оларда арандатушылық сипаттағы материалдар орналастырылады. Әрине, бұл менің беделіме әсер етіп қана қоймайды. Сонымен қатар, интернет кеңістігіндегі әрбір адамның осалдығы мен қауіпсіздігін көрсетеді. Менің әлеуметтік желілерде ешқандай парақшам жоқ екенін мәлімдегім келеді. Ешқандай арандатушылыққа бой алдырмауға, жалған ақпарат таратуға үлес қоспауға шақырамын, – деді Тасмағамбетов.

Добавить комментарий Отменить ответ