Оңтүстік Қазақстан облысына қарасты Мақтарал ауданындағы Достық ауылдық округіне қарасты Ж.Қалшораев ауылында «Zhas project» жобасы аясында тегін футбол үйірмесінің ашылу салтанаты өтті. Үйірменің ашылу салтанатына арнайы аудандық «Жастар ресурстық орталығы» КММ-нің басшысы Мұхтар Бейсенбаев пен Қ.Әбдәлиев ЖОМ-нің директоры Датқабек Сейсенбаев қатысты. Іс-шарада «Жастар ресурстық орталығы» КММ-нің басшысы Мұхтар Бейсенбаев: Ауданымызда бұқаралық спортты дамытумен қатар, жасөспірімдерді келешекте спорттың футбол түрін дамытып, алдағы уақытта тұрғылықты түрде шұғылданып тұруын айтып, спортшыларға сәттілік тіледі.
Халықаралық қайта құру және даму банкі мен ҚР Білім және ғылым министрлігі арасында елдің аумағында іске асырылып жатқан Жастар корпусын дамыту жобасына ауданы қатысқан жастар өз жобаларын ұсынып, нəтижесінде 6 грант (1 млн. теңгеден) жеңіп алған болатын. Соның бірі Ж.Қалшораев ауылындағы футбол үйірмесі. Жас ерекшелігіне қарай екі топқа бөлінген 60 жасөспірім аптасына үш рет жаттығу өткізеді. Төрт адамнан тұратын жоба жеңімпаздары бес ай бойы өз жобаларын жүргізетін болады.
