Күні кеше Оңтүстік Қазақстан облысының орталығында «Тірек қимылдары және көру қабілеті зақымданған спортшылар арасында облыстық спартакиада» болып, онда спорттың 8 түрінен жарыс өтті. Жарысқа 11 команда қатысты. Сайыс өте тартысты өтті. Дайындығы жоғары жарысқа қатысушылар жеңісті қолдан бермеу үшін барын салды. Дегенмен сайыстың аты сайыс. Онда жеңілу бар, жеңу бар. Бәйдібек ауданынан барған спортшылар барынша тырысып жоғары нәтижеге қол жеткізуге тырысты. Соның ішінде біздің ауданның командасы спорттың 7 түрінен қатысып төмендегі нәтижелерге қол жеткізді.
Үстел теннисінен — Сабденов Қуаныш І-орын ересектер арасында, Амангелді Әділмұрат І-орын жасөспірімдер арасында, Жанболатов Нүркен ІІІ-орын ересектер арасында; тоғызқұмалақтан — Пірназаров Нұрғали І-орын, Сембиев Нұрлан ІІ-орын, Пәрменова Айнұр ІІІ-орын,
пауэрлифтингтен — Даужанов Серік І-орын, Нейсари Бахрам ІІІ-орын;
50 метрге жүзуден Әзім-баев Тимур І-орын, Нейсари Бахрам ІІІ-орын. Нәтижесінде жарысқа қатысқан 11 команданың ішінен жалпы командалық есепте аудан командасы ІІ-орынды иеленіп, арнай дәрежедегі дипломдар және ескерткіш медальдармен марапатталды.
Ә.ИГІЛІКОВ,
аудандық дене шынықтыру және спорт бөлімі мемлекеттік мекемесінің әдіскері.
