Жуырда Оңтүстік Қазақстан облысына қарасты Бәйдібек аудандық спорт кешенінде ауданымыздағы мемлекеттік мекемелер арасында спорттық жарыс ұйымдастырылды. Іс-шарада аудан әкімінің орынбасары Нұрғали Айтбеков сөз сөйлеп, жарысты ашып берді. Сайысқа қатысушылар волейбол, үстел тенисі, же-ңіл атлетика түрлерінен бақ сынады. Спорттық жарыстар барысында 100 метр қашықтыққа жүгіруден Ертуған Қамбар топ жарса, 2-орынды Дәулет Таев, 3-орынды Теңіз Бектұрсынов қанжығалады. Қыздар арасында 60 метр қашықтыққа жүгіруден 1-орынды, Айгерім Тойжан, 2-орынды Жанетта Сапарқызы, 3-орынды Гүлбақыт Адырбекова иеленді. Ал үстел теннисінен ерлер арасында 1-орын Асыл Абжаловқа, 2-орын, Ертуған Қамбаровқа, 3-орын Мұрат Бөбеевке бұйырды. Аталмыш сайыста қыздар арасында Малика Пазик — 1, Айгерім Тойжан – 2, Гүлбақыт Адырбекова – 3-орын алды. Сонымен қатар волейболдан 1-орынды мәдениет және ветеринария бөлімдері, 2-орынды жұмыспен қамту және ішкі саясат бөлімдері, 3-орынды экономика және ауыл шаруашылығы бөлімдері иеленді.
Жарысқа қатысушылар арасынан «жас ойыншы» номинациясы Жәнібек Қалдыбекұлына, «ардагер ойыншы» номинациясы Бақыт Ысқақовқа берілді.
Жарыс соңында жүлдегерлер дипломдармен және бағалы сыйлықтармен марапатталды.
Дәулет ОСПАН
