Бекзат Саттарханов атындағы ОҚО дарынды балалар спорт мектеп интернатында ұлттық құрама сапында өнер көрсетіп жоғары нәтижеге қол жеткізген оқушыларды марапаттауға арналған шара өтті. Жаңа оқу жылының басталуымен жыл бойы қандай да бір нәтижеге қол жеткізе алмаған спортшылармен қоштасу дәстүрі жылдар бойы қалыптасып келеді. Ауылды жерлерден жиналған талантты балалардың жас алмасу кезеңінде қиындыққа душар болатыны бар. Осы кезде шынайы спортшының бағыты қалыптасады. Қаншама қиындықтарға шыдай алатын дара спортшы өзін әлемдік аренада көрсетіп үлгерері анық. Бекзат ағасының жолын жалғаған дарынды балалар жеткен жетістіктер ұжым алдында арнайы құрметке ие болды. Күрес түрлерінен Ел чемпионы атанған 6 спортшыдан басқа Анталияда өткен таеквонда сайысында бас жүлдеге ие болған Медет Жолдыбай, Грек рим күресінен Тайландта аяқталған Азия чемпионатында Леонид Проскурович қола медалді иемденді. Ұжым басшысы Полат Қырықбаев мектеп қабырғасында жүріп болмағанда ел біріншіліктеріне қатысып жүлде ала алмаған әрбір спортшы еліне қайтатынын қатаң ескертті. Биылғы жылы қазақ күресі мен олимпиада ойындары бағдарламасына енген карате спортынан бөлімдері ашылып дарынды балаларды тәрбиелей бастады. Келер жылы олардың қайсысы шынай түрде спорттың жолын таңдайтыны белгілі болады. Шымкенттегі Қажымұхан атындағы орталық стадионында Қазақстан Республикасы Білім және ғылым министрлігінің Кубогі үшін баскетболдан жасөспірімдер арасындағы республикалық турнир бастау алды. Жарысқа барлық облыстың командалары қатысуда. Олардан іріктелініп алынған 12 команда жеңімпазды анықтайды. Осы министрлікке қарасты ұлттық ғылыми практикалық дене тәрбиесі орталығының бас директоры, Қазақстан Республикасының еңбек сіңірген жаттықтырушысы Садық Мұстафаев балалар мен жасөспірімдердің дене тәрбиесімен айналысуын жан-жақты үйлестіру үшін орталықта жаңаша бағдарламалары қабылданып жатқанынын атап өтті. Жарыс барысында Камал Ешманов баптайтын ОҚО облысы өз кездесулерін жаңіспен бастады. Ең бойшаң баскетболшы Шығыс Қазақстан облысынан келген 14 жастағы ойыншының бойы 2 метр 10 сантиметрге жетіпті. Осыдан соң волейболшылар жарысы басталады.
АСХАТ Мырзахметов
