Әлеумет «Жұмыстан кетуге мәжбүрлеп жатыр»: Зейнет жасына жақындаған мұғалім көмек сұрады Редактор 14.04.2022 3747 1 оқу мин Мұғалімнің айтуынша, директор оны өз еркімен жұмыстан кетуге мәжбүрлеп жатыр Алматы облысы Талғар ауданы Қарабұлақ ауылындағы №22 орта мектептің орыс тілі мен әдебиеті мұғалімі Есенғали Бижанов директоры оны өз еркімен жұмыстан кетуге мәжбүрлеп жатқанын мәлімдеді, деп хабарлайды Sputnik. Педагог әлеуметтік желіде шағымданып, зейнетке шыққанға дейін жұмыс істей тұруға көмектесуді сұрады. «Мен орыс тілі және әдебиеті мұғалімі Есенғали Нұрғалиұлы Бижановпын. Жасым 59-да. Зейнетке шығуға 5 жыл қалды. Бес жыл ішінде мен Талғар ауданының жеті мектебінде жұмыс істедім. Мектеп директорлары өз еркімен қызметтен кетуге өтініш жазуға мәжбүрлейді. Олар қоқан-лоққы көрсетеді, бопсалайды. Қазақстанда «күміс жас» деген ұғым бар. Бес жыл тыныш жұмыс істеуге көмектесіңіздерші», — деп жазды мұғалім әлеуметтік желіде. Sputnik Қазақстан редакциясы Алматы облысының білім басқармасына жүгінді. Ведомство Есенғали Бижановтың шынымен де Қарабұлақ ауылының №22 мектебінде сабақ беретінін растады және ол биылғы оқу жылының соңына дейін істейтінін атап өтті. Білім басқармасы мұғалімнің мәлімдемесі шындыққа жанаспайтынын мәлімдеді. Олардың айтуынша, педагог №22 мектепте 2021 жылғы 1 қарашадан бастап істейді. Сол кезде ер адаммен 3 айдан 6 айға дейін сынақ мерзімі кіретін еңбек келісімшарты бекітілген. «Бижанов өз үндеуінде қате ақпарат көрсеткен. Өйткені оны ешкім қызметтен кетуге өтініш жаз деп мәжбүрлеген жоқ. Жұмыс кезінде Бижановқа еңбек тәртібін бұзып, педагог этикасын сақтамағаны үшін бірнеше рет ауызша ескерту жасалды», — деп жауап берді облыстың білім басқармасы. Осыған байланысты Бижановқа еңбек келісімшарты бұзылатынын ауызша ескерткен, ал жазбаша хабарламаны оқу жылының соңында беруді уәде еткен. Добавить комментарий Отменить ответВаш адрес email не будет опубликован. Обязательные поля помечены *Комментарий * Имя * Email * Сайт Сохранить моё имя, email и адрес сайта в этом браузере для последующих моих комментариев. Связанные истории КЕЛІСІМ ШАРТСЫЗ ҚҰРЫЛЫС БАСТАҒАН КОМПАНИЯҒА 40 АЕК АЙЫППҰЛ САЛЫНДЫ 1 оқу мин Әлеумет КЕЛІСІМ ШАРТСЫЗ ҚҰРЫЛЫС БАСТАҒАН КОМПАНИЯҒА 40 АЕК АЙЫППҰЛ САЛЫНДЫ 03.05.2024 619 ШЫМКЕНТТЕ 238 ТҰРҒЫН ҮЙ ЫСТЫҚ СУҒА ҚОСЫЛАДЫ 1 оқу мин Әлеумет ШЫМКЕНТТЕ 238 ТҰРҒЫН ҮЙ ЫСТЫҚ СУҒА ҚОСЫЛАДЫ 29.04.2024 1449 «ЖАСЫЛ АЙМАҚ»: ТӨЛЕБИДЕ МЕШІТ ҚЫЗМЕТКЕРЛЕРІ ДЕ АКЦИЯҒА ҮЛЕС ҚОСТЫ 1 оқу мин Әлеумет «ЖАСЫЛ АЙМАҚ»: ТӨЛЕБИДЕ МЕШІТ ҚЫЗМЕТКЕРЛЕРІ ДЕ АКЦИЯҒА ҮЛЕС ҚОСТЫ 27.04.2024 3361