Saq.kz Интернет-газеті | Негізгі

Фото: ttjk.kz

Өзбекстанда туризм индустирясы мықты дамыған

👤Saq.kz 0 коммент. 🕔2021-07-25
Қазақ журналистерінің білім, білігін дамытып, ел көріп, жер көріп, таным көкжиегін кеңейтуіне барынша жағдай жасап жүрген Түркітілдес журналистер қорының кезекті жобасы Өзбекстан елінде жалғасты. Көршілес елдің туризм бағытында атқарып жатқан толымды жұмыстарымен танысып, жаңашыл бағыттарына қанықтық. Түркітілдес журналистер қорының Өзбекстан Туризм және спорт министрлігі серіктестігінде, отандық БАҚ өкілдеріне арнап шілде айына жоспарлаған Ташкент-Самарқан-Бұқара жобасы жайлы жолжазбамызды бастаймыз. Ташкент шаһарына табанымыз тиген алғашқы сәттен бастап таңдандырғаны қаланың тазалығы болды. Көлденең жатқан көк жапырақ жоқ. Айнала жасыл желекке малынып тұр. Экзотикалық ағаштардың сан түрі көш бойлап самсап тұр. Гүлдің неше атасы көздің жауын алады. Әмір Темір ескерткіші Пресс турдың алғашқы күні Өзбекстан астанасындағы көрнекі жерлерден басталды. Солардың бірі де бірегейі Әмір Темірдің ескерткіші тұрған алып бақ. Ескерткіш ерекше -ақ жасалыпты. Рухты һәм айбынды. Алыстан менмұндалап, айбарланып тұрғандай. «Тірі» сияқты. Теңіз асып, тау асып әкелінген ағаштың сан алуан түрі, ерекші пішінмен отырғызылыпты. Саялы субұрқақ, әсем гүлдермен көмкерілген алып бағы бар. Ортағасырлық алып империяның қолбасшысы және негізін қалаушы Әмір Темір атындағы алаңның тарихы ХІХ ғасырдан бастау алады. 1882 жылы генерал М.Черняевтің бұйрығымен құрылған шағын алаң 2009 жылы қайта жаңғыртудан өткізіліпті. Аумағы үлкейтіліп, жаңаша түрлендіріліп, әсем келбетке ие болған. Саябақтың қақ ортасына XIV ғасырдың көрнекті қолбасшысы және мемлекет қайраткері Әмір Темірдің ескерткіші қойылған. Ерекше мүсін қоладан жасалған. Ескерткіштің маңдайалдына Әмір Темірдің «Күш әділеттілікте» ұраны төрт тілде ойып жазылған. MAGIC CITY IN TASHKENT Ташкенттегі пресс турдың алғашқы күнінің бағдарамасына сай Magic city - ге жолымыз түсті. Жалпы көлемі 8500 шаршы метр болатын аумақта “би билейтін” субұрқақ, биіктігі 57 метрге жететін баварлық Нойшванштайн қамалының көшірмесі көрініс тапқан. Аяқжолдың өзі әсемдеп безендіріліпті. 650 адамға есептелген римдік Колизей, керемет көрініске толы көшелер... Балалық шаққа саяхат жасатып, ертегілер әлеміне еріксіз жетелейді. Керемет Нойшванштейн - Альпі түбіндегі романтикалық қамал ертегідегі иллюстрацияны еске түсіретін неоромандық сәулеттің шедеврі көптеген туристерді қызықтыратыны анық. Нойшванштайн сарайының сәулеті - бұл ортағасырлық мотивтер мен романтиканың қоспасы, тасқа бейнеленген театр мен рыцарлық өнерге деген сүйіспеншіліктің көрінісі. Мұның бәрін жіңішке биік мұнаралардан, жартылай шеңберлі аркалардан, көптеген декорациялардан, мүсіндерден және сәнді балкондардан көруге болады. Соның бәрін де мұнда керемет үйлестіріпті. Бала-шағасын ертіп қыдырып жүрген жергілікті тұрғындардан бөлек, мұнда шетелдіктердің қарасы қалың. Бір байқағанымыз Ташкентте Индиядан, Пәкістаннан келетін туристердің қарасы қалың құсайды. Ақ мешіт Ертесіне табанымыз тиген қасиетті мекеннің бірі Ташкенттің қақ ортасындағы Ақ мешіт болды. 2014 жылы Ислам Каримовтың бастамасымен ашылған екен. Ақ мрамордан салынғандықтан ақ мешіт деп аталады немесе Минор мешіті деуге болады. Ташкенттегі ислам орталығы болып табылады. Мешіт ғимараты дәстүрлі шығыс және өзбек стилінде салынған, оның екі мұнарасы және алып күмбезі бар. Мешіттің іші нақш стилінде безендіріліп, михраб тек Құранның сөздерімен ғана емес, хадистермен де безендірілген. Мешіт 2400 адамға арналған. Ашылғаннан кейін «Кіші» мешіт Ташкенттегі және бүкіл Өзбекстандағы мұсылмандардың рухани орталықтарының біріне айналған. ..... Жалпы Ташкентке келген туристерге «бізде мынадай бар, мынадай бар» деп көрсететіндей көрнекі жерлер өте көп. Тіпті бірнешеуін көріп үлгеруге уақыт тапшы болуы мүмкін. Қызмет көрсету сапасы өте жоғары.

ПІКІР (0)

ПІКІР ҚАЛДЫРУ

Ваш email не будет опубликован. Поля, обозначенные *, обязательны к заполнению.

<=Қыр 2021=>
ЖкДсСсСрБсЖмСн
1

2

3

4

5

7

8

9

10

11

12

13

14

17

18

19

20

21

22

23

24

25

26

27

28

29

30

Галерея