Саясат

«Қаңтар қақтығысына» қатысқан радикалды топтың аты аталды

Редактор 27.01.2022 7401 1 оқу мин

Ұсталғандар арасында «Йакын Иңкар» радикалды тобының жақтастары да бар. Бұл Қазақстан Республикасының Бас прокуратурасы 2013 жылдан бері ел аумағында қызмет етуіне тыйым салған «Таблиғи жамағат» қозғалысының бір қанаты боп есептеледі. Хабар телеарнасында «Қайғылы қаңтар. Бұл қалай болды» деп аталатын деректі фильм көрсетілді, деп хабарлайды Экспресс К. Бейнежазбада қаңтар қақтығысына қатысқан экстремистік топтардың бірі көрсетіледі. Ұсталғандар арасында «Йакын Инкар» радикалды тобының бірқатар жақтастары да бар. Олардан қару-жарақ, гранаталар, патрондар мен діни әдебиеттер тәркіленді, — деп мәлімдейді фильм авторлары. «Йакын Инкар» халықаралық сүнниттік «Таблиғи жамағат» миссионерлік қозғалысының бір қанаты. 2013 жылдың ақпанында Қазақстанның Бас прокуратурасы оны экстремистік деп танып, ел аумағындағы қызметіне тыйым салған болатын. «Йакын Инкардың» мақсаты — Қазақстан территориясында конституциялық құрылысты күшпен өзгерту, егемендікке қол сұғу, халифат құру секілді ел тәуелсіздігіне қауіпті әрекеттер ұйымдастыру, — деп түсіндіреді Бас прокуратураның баспасөз қызметі. Бұған дейін Мемлекет басшысы лаңкестердің жоспарлары туралы айтқан болатын.

Добавить комментарий Отменить ответ