Мектеп қабырғасында оқушыларға біліммен қатар тәрбие беру де бүгінде күн тәртібінде тұр. Сондықтан да оқушылардың теріс жолға түсіп кетпуінің алдын алу мақсатында түрлі діни ағымдардан сақтандыру мақсатында арнайы іс шаралар ұйымдастырылуда. Түркістан облысы Шардара ауданында Б.Соқпақбаев атындағы орта мектеп оқушыларымен кездесу өтті. Шараны өңірдегі діни тұрақтылықты қамтамасыз ету мақсатында «Ұлттық сараптау талдау орталығы» қоғамдық қоры ұйымдастырды. Жиында «Деструктивті діни ағымдардың алдын алу» тақырыбы талқыланды. Шара барысында мектеп оқушыларына деструктивті діни ағымдардың зияны және олардың ықпалынан қалай қорғану керектігі айтылды. Мұндай іс-шаралар өскелең ұрпақты тәрбиелеу және Қазақстанда экстремизм мен терроризмнің таралуының алдын алу шаралары аясында өткізілуде. Б.Соқпақбаев атындағы мектеп оқушыларға саналы таңдау жасауға және деструктивті діни топтардың ықпалына түсіп қалмауға көмектесетін маңызды кездесуді ұйымдастырғаны үшін мақтауға лайық. Аталмыш кездесуге Шардара ауданы әкімінің орынбасары, аудандық ақпараттық — түсіндіру тобының жетекшісі Б.Шомпиев, Түркістан облысы дін істері басқармасы «Дін мәселелерін зерттеу орталығы» Коммуналдық мемлекеттік мекемесінің теолог маманы Д.Аманов, аудандық ішкі саясат бөлімінің әдіскері, теолог маманы А.Данияров, Шардара ауданы Жаушықұм ауыл округі «Қонар ата» мешітінің имамы Е.Сариев, мектептің директоры Е.Ақбердиев қатысты. Аудан әкімінің орынбасары, аудандық ақпараттық-түсіндіру тобының жетекшісі Б.Шомпиев Қазақстан жастарының басым көпшілігінің радикалды діни ағымдардың ықпалына түсіп кету қаупі бар екенін атап өтті. Оның пікірінше, бұл жастардың сыни ойлауының әлі толық қалыптаспағандығынан және сыртқы идеялардың ықпалына оңай түсуінен.Б.Шомпиев жастарды деструктивті діни ағымдардың ықпалынан қорғау мақсатында алдын алу жұмыстарын жүргізудің маңыздылығына тоқталды.Оның бұл мәлімдемесі өскелең ұрпақтың саналы таңдау жасап, экстремистік пиғылға қарсы тұруы үшін олардың тәрбиесі мен тәрбиесіне ерекше көңіл бөлу керектігін еске салады. Жастардың радикалды діни ағымның жетегінде кетуінің салдарынан қаншама отбасының шырқы бұзылып, шаңырақтары шайқалып, берекесі қашты деп сөзін қортындылады. Түркістан облыстық Дін істері басқармасының теолог маманы Д.Аманов діни экстремизмді діни фанатизмнің шектен шыққан түрі деп түсіндірді. Оның ойынша, кез келген экстремизмнің мәні – өз көзқарасын білдірмейтіндерге күш көрсету. Діни экстремизм өзінің радикалды сенімдеріне сәйкес әлемді өзгертуге ұмтылады. Аманов діни экстремизмнің лаңкестік әрекеттерді өршітетін саяси құрал екенін де баса айтты. Оның мәлімдемесінде діни экстремизмнің қауіптілігі және онымен ағарту және алдын алу арқылы күресу қажеттігін атап өтті. Жиынға қатысушылардың барлығы да қазіргі таңда осы талап — тілегін қанағаттандыра алмай, жат ағымдардың жетегінде кету сияқты көріністер орын алып жатқанын жеткізді. Оқушылар көкейлерінде жүрген сұрақтарын қойып, тұщымды жауаптарын алды. Тағылымы мол кеш болды.
