фото ТО ОО
Сарыағаш ауданындағы «Жылға» алғашқы медициналық-санитарлық көмек орталығында медициналық көмек көрсетуге Түркістан облыстық офтальмологиялық аурухананың мамандары белсене атсалысты. Қабылданған науқастардың жалпы саны 75 болды, бұл облыс тұрғындарының офтальмологиялық мәселелерінің алуан түрлілігін көрсетеді. Қаралуға келген науқастардың арасында әртүрлі көз аурулары анықталды. Ең жиі кездесетін диагноздарға катаракта, глаукома, птергия, сондай-ақ көру проблемаларының кең ауқымын білдіретін миопия және пресбиопия жатады. Тексерілуден өткен науқастар арасында 23 катаракта, 10 глаукома, 11 птеригиум, 14 миапия, 12 пресбиопия анықталды. Сарыағаш ауданындағы «Жылға» МСАК-та медициналық көмек көрсетуге облыстық офтальмологиялық аурухана мамандарының қатысуы шалғай елді мекендерге медициналық көмек көрсетудің маңыздылығын көрсетеді. Бұл халыққа жоғары сапалы офтальмологиялық көмектің қолжетімді болуына, көз ауруларын дер кезінде диагностикалау мен емдеуді қамтамасыз етуге септігін тигізеді.
Соңғы әлетте халық арасында көз ауруларының көбейіп кеткендігін айтып дәрігерлер дабыл қағуда. Оның түрлі себептері бар. Телефонда түрлі әлеуметтік желілерді күні бойы қарау, компьютерде көп отыру, теледидарды сағаттап қарау сынды түрлі себептері бар. Тіпті 2 сағат сайын көзді демалдыру қажет деген нұсқаулықты елемейтіндер көп. Бұдан бөлек, кішкентай балалар арасында да көз аурулары көбейіп бара жатқандығы алаңдатарлық мәселе. Аналары кішкентай балаларын тыныш отырсын деп қолына телефон ұстатып қояды. Балалар тіпті күні бойы телефоннан көз алмауы да мүмкін. Болашақта оларда көз проблемалары туындайтынын көп ата ана қаперіне де алмайды. Сондықтан да дәрігерлер кішкентай балаларға телефон ұстатпау қажеттігін ескертеді.
