фото МАМОА
Түркістан облысына қарасты Мақтаарал ауданындағы «Мырзакент» аудандық ауруханасы бүгінде түрлі аурулардың алдын алу мақсатында ақпараттық бағыттағы түсіндірме жұмыстарын ұдайы жүргізіп отырады. Одан бөлек, атаулы күндерге орай «Ашық есік» күндерін өткізуден қалыс қалған емес.
Жақында ауруханада Дүниежүзілік гипертониямен күрес күніне орай ашық есік күні өтті. Бұл шара тұрғындар арасында қалыпты қан қысымы, артериялық гипертензияның қоздырғыш факторлары, қауіп топтары және осы аурумен байланысты ауыр асқынулар туралы ақпараттандыруды арттыруға бағытталған. Аурухана мамандары гипертонияның алдын алу жолдары туралы маңызды ақпарат беріп, ақпараттық парақшалар таратты.
Шара аясында кардиолог науқастарды қабылдап, қан қысымын өлшеп, оны қалыпқа келтіру бойынша ұсыныстар берді. Келушілер гипертонияның алдын алудың негізгі факторлары ретінде қан қысымын үнемі бақылау және өмір салтын өзгерту, оның ішінде дұрыс тамақтану, физикалық белсенділік және зиянды әдеттерден аулақ болу маңыздылығы туралы білді. Мұндай ашық есік күндері салауатты өмір салтын насихаттауда және созылмалы аурулардың алдын алуда маңызды рөл атқарады. Гипертония және оның алдын алу әдістері туралы халықтың хабардарлығын арттыру ауруды азайтуға және адамдардың өмір сүру сапасын жақсартуға көмектеседі.
Мақтаарал аудандық «Мырзакент» ауруханасының кардиолог-дәрігері Әсия Чинибекова артериялық гипертензия бойынша бақылауда тұрған, сондай-ақ қауіп тобындағы адамдарға медициналық кеңес берді. Консультациялар барысында ол қан қысымын тұрақты бақылаудың және емдеу бойынша ұсыныстарды сақтаудың маңыздылығын егжей-тегжейлі түсіндірді.
Пациенттерге артериялық гипертензияны емдеудің заманауи әдістері, соның ішінде дәрілік терапия және өмір салтын өзгерту туралы ақпарат берілді. Доктор Чинибекова қан қысымын қалыпты деңгейде ұстау үшін дұрыс тамақтану, дене шынықтыру және зиянды әдеттерден бас тарту маңыздылығына тоқталды.
Сонымен қатар, консультациялар гипертониямен байланысты асқынулардың алдын алу бойынша жеке ұсыныстарды қамтиды. Пациенттер жүрек-қан тамырлары ауруларының қаупін айтарлықтай төмендететін және олардың өмір сүру сапасын жақсартатын жүйелі медициналық тексерулер және емдеуді уақтылы түзету қажеттілігі туралы білді.
