фото ТОДСБ
Түркістан облыстық балалар ауруханасының комбустиолог-мамандары жеті жасар балаға бірегей ота жасады. Аталмыш күрделі ота сәтті өтті. Бүлдіршін ыстық майға күйіп қалған, салдарынан бас терісінің 90 пайызы күйік шалған. Ол 13 сәуір күні жедел жәрдем қызметімен Арыс қаласындағы ауруханаға жеткізілген. Комбустиологтар теріні трансплантациялау операциясын жасауға шешім қабылдады. Баланың күйген терісін жаңа теріге ауыстыру операциясы жасалды. Бұл процедура өте күрделі және үлкен тәжірибе мен кәсібилікті талап етеді. Операциядан кейін бала жансақтау бөлімінде тіркеліп, оның жағдайы үнемі бақыланып, қажетті медициналық көмек көрсетілді. Дәрігерлер мен медицина қызметкерлерінің күш-жігерінің, сондай-ақ баланың өзінің ерік-жігері мен төзімділігінің арқасында ол барлық қиындықтарды жеңіп, жазылуға бет алды. Мұндай күрделі операциялар тек медициналық сараптаманы ғана емес, адамның жанашырлығы мен қамқорлығын да қажет етеді. Түркістан қаласындағы облыстық балалар ауруханасының комбустиологтары нағыз кәсіби шеберлік танытып, баланың өмірін, дәлірек айтсақ, болашағына жол ашты.
Науқасқа мамандандырылған көмек көрсету үшін Түркістан облыстық балалар ауруханасынан дәрігерлер шақыртылған. Облыс орталығынан келген білікті мамандар 16 сәуір күні күйік шалған баланы санавиация желісімен Түркістан облыстық балалар ауруханасына ауыстырған. Облыстық балалар ауруханасының дәрігерлері науқасты отаға бір ай уақыт дайындап, антибактериалды, инфузиялық ем, күнделікті таңып-байлау емдерін жүргізіп отырды. Қайнап тұрған ыстық майға күйіп қалған бала ауыр жағдайда түскен болатын. 14 мамыр күні 7 жасар баланың басына аутодермапластикалық ота жасалды. Ота кезінде комбустиологтар Шолпан Кадирова және Бақыт Абдуманов баланың сан аймағынан терісін алып, басына тері қондырды. Бұл өте күрделі ота. Тәжірибелі дәрігерлердің арқасында ота сәтті өтіп, баланың жағдайы жақсарды. Дәрігерлер алдағы уақытта науқасқа оңалту емі жүргізілетінін жеткізді.
Баланың ата-анасы дәрігерлерге ота жасағаны үшін және ұлына ауруханада жатқанда көрсеткен қамқорлығы үшін алғысын білдірді. Олар дәрігерлердің кәсіби шеберлігі мен ілтипаттылығы үшін алғыстарын білдірді. Дәрігерлер ота күрделі болғанымен, хирургтар мен медбикелер ұжымының бірлескен күш-жігерінің арқасында барлық кезеңдердің сәтті аяқталып, жақсы нәтижелерге қол жеткізілгенін атап өтті. Олар сондай-ақ операциядан кейінгі оңалтудың маңыздылығын атап өтті және жараларды одан әрі күту бойынша ұсыныстар берді. Облыстық балалар ауруханасының дәрігерлер ұжымы емделушілердің денсаулығын қалпына келтіріп, қалыпты өмірге қайта оралуына көмектесу үшін барынша тиімді емдеу және күтім көрсету жұмыстарын жалғастыруда.
