фото Сақ.кз
26 маусым -Халықаралық нашақорлыққа және есірткінің заңсыз айналымына қарсы күрес күніне орай Түркістан облысына қарасты Шардара аудандық орталық ауруханасының дәрігерлері Шекара бөлімшесінің қызметкерлеріне қоғамдық дерттің алдын алу мақсатында, нашақорлықтың және тәуелділіктің, құмар ойыны туралы ақпараттық түсіндіру жұмыстары өткізілді. Мақсаты қазіргі уақыттағы нашақорлықтың, ойын мәселесі туралы түсінігін қалыптастыру, қоғамда кеңінен өріс алған құмар ойынының лудомания алдын алу, компьютерлік ойындардың таралуын азайту болып табылады.
Халықаралық нашақорлыққа және есірткі бизнесіне қарсы күрес күніне орай Шардара аудандық орталық ауруханасы дәрігерлерінің өткізген іс-шаралары жаһандық ақпараттандыру және алдын алу жұмыстарының бір бөлігі болып табылады. Нашақорлық, құмар ойындар және компьютерлік ойындарға тәуелділік проблемалары туралы хабардар болу шекара күзетінің қызметкерлері мен жалпы жұртшылық арасында осы өзекті қиындықтарды түсінуге көмектеседі.
Есірткі мен құмар ойындардың жеке адамның денсаулығына ғана емес, жалпы қоғамға тигізетін зияны туралы хабардарлықты арттыру. Мұндай бастамалар құмар ойындарға тәуелділік пен тәуелділіктің басқа да түрлерінің алдын алуға бағытталған.
Іс-шаралардың мақсаты — ақпараттандыру ғана емес, сонымен қатар осы проблемалармен күресудің нақты стратегиялары мен құралдарын ұсыну. Бұл шешім қабылдау дағдыларын дамыту, әлеуметтік қолдауды күшейту және бос уақытты сауатты өткізуді ынталандыруды қамтиды. Мұндай іс-шаралар әркім нашақорлық пен құмар ойындардың таралуының алдын алудағы, сондай-ақ өзінің және басқалардың салауатты өмір салтын сақтаудағы рөлін түсінетін орнықты қоғам құру үшін маңызды. Шара барысында орталық аурухананың нарколог дәрігері Г.Тойтанова нашақорлықтың зияны туралы айтып, ситуациялық сұрақтар арқылы алдын алу және емдеу жолдарына тоқталды.
Нашақорлыққа қарсы күреске арналған іс-шаралар аясында орталық аурухананың нарколог-дәрігері Тойтанова Г. есірткі заттардың зияны туралы хабардар болу маңыздылығына тоқталды. Ол нашақорлықтың алдын алу және емдеу кешенді көзқарасты, оның ішінде білім беру мен қоғамды қолдауды қажет ететінін атап өтті. Нашақорлықтың зияны: есірткіні қолданудың физикалық, психикалық денсаулығы, әлеуметтік және экономикалық салдарын талқылады. Есірткіні қолданудың алдын алатын шараларды түсіндіру, оның ішінде білім беру бағдарламалары мен әлеуметтік желілерді күшейту екендігін қоса айтты. Ал нашақорлықпен ауыратын адамдарды емдеу және оңалтудың қолжетімді нұсқаларымен таныстырды және ертерек көмекке жүгінудің маңыздылығын атап көрсетті. Дәрігер нашақорлық мәселесін шешу жолдарын көрсету және аудиторияны белсенді талқылауға тарту үшін практикалық мысалдар мен сценарийлерді пайдаланды. Бұл әдіс нашақорлық туралы білімді арттыруға көмектесіп қана қоймайды, сонымен қатар осы әлеуметтік қасіретке қарсы тұру үшін қажетті сыни ойлау мен шешім қабылдау дағдыларын дамытады.
Бүгінде осы құрдымның құрығына түскен жандар аз емес. Расында нашақорлық пен құмар ойындар мәселесі қоғамға қатты әсер етеді. Бұл тәуелділіктер әлеуметтік оқшаулануды, психологиялық проблемаларды, қаржылық қиындықтарды және тіпті қылмыстық мінез-құлықты қоса алғанда, бірқатар жағымсыз салдарға әкелуі мүмкін. Ең алдымен аталған мәселенің әлеуметтік зияны шаш етектен, құмар ойындар мен нашақорлық отбасылық байланыстарды бұзып, әлеуметтік оқшаулануға әкелуі мүмкін. Сонымен қатар, Психологиялық мәселелер де туындайды. Тәуелділік депрессия және мазасыздық сияқты күрделі психологиялық проблемаларды тудыруы мүмкін. Бұдан бөлек, қаржылық қиындықтарға әкеп соқтыратыны айдан анық. Құмар ойындар мен нашақорлық көбінесе қаржылық күйреуге және қарызға әкеледі. Ал ең қауіптісі
Қылмысқа итермелеуі де әбден мүмкін. Адамдар құмар ойындар немесе есірткі үшін қаражат іздеуде заңсыз әрекеттерге барады. Сондықтан да аталған мәселенің алдын алу тиімді болып отыр. Алдын алу жұмыстарының ішінде хабардарлық пен білімнің жоғарылауы есірткіні қолдану мен құмар ойындардың алдын алуға көмектеседі. Қоғамдастықтың қолдауы да аса қажет, күшті әлеуметтік байланыстар мен қоғамдастықтың қолдауы адамдарға тәуелділікпен күресуге көмектеседі. Емдеуге қол жеткізу: нашақорлықтан зардап шегетіндер үшін тиімді емдеу және қалпына келтіру бағдарламаларына қол жеткізуді қамтамасыз ету. Бұл мемлекеттің, медициналық мекемелердің, білім беру ұйымдарының, бүкіл қоғамның күш-жігерін біріктіруді талап ететін күрделі мәселе. Осы қиындықтарға тап болғандарды ақпараттандыру және қолдау, салауатты және қауіпсіз қоғам үшін жағдай жасау бойынша жұмысты жалғастыру маңызды. Шекарашылар өздерін толғандырған сұрақтарға нақты жауабын алды. Жуырда ғана депутатттар әскерилер арасында құмар ойынға салынғандар көбейіп бара жатқанын айтқан болатын. Сондықтан да әскери мамандар арасында аталған қауіптің алдын алу жұмыстары қарқынды түрде жүргізілуде. Осы бағыттағы жұмыстар алдағы уақытта да жалғасын табатын болады.
