Түркістан облысына қарасты Түлкібас ауданының білім бөліміне қарасты мектеп директорлары арасында «INTELLECTUM DD2″ Директорлар дебаты турнирі өтті. Турнир дебаттың Американдық парламенттік форматына ойын барысында тез сыни және логикалық ойлауға және сараптамалық талдауға негізделгенін баса назарға алды. Аталған іс-шараға аудан бойынша білім беру ұйымдарының басшылары 5 қарар бойынша сөз сайысқа түсті: Б.П. мектептегі аутодеструктивті мінез құлықтың алдын алуға әрбір педагог ықпал ете алады деп есептейді, педагогтердің біліктілігін арттыру курсы шебер педагог пен кәсіби әлеуеті төмен педагогтердің арасында айырмашылықты жоя алады деп есептейді, Бұл палата мектеп оқулықтарының мазмұны оқушылардың білім алуға деген қызығушылықтарын қанағаттандыра алады деп есептейді, Жалпы орта білім берудің жоғарғы сатысында бейіндік бағытқа бөліп оқыту қажет деп есептейді/есептемейді. Қазақстанда атом электр станциясын салу қажет деп есептейді/есептемейді. Қызықты, тартысты өткен дебат турнирінде жеке тұлғаның танымын кеңейтетін, қоғамдық-әлеуметтік маңызды мәселелерді жете талдай қабілетін қалыптастыратын пікірсайыс турнирінің жеңімпаздары анықталды. І Дәрежелі Дипломға ие болған «ШЫҢ» фракциясы — Б.Момышұлы ат.ЖББМ мен Шевцов ат. ЖББМ директорлары, Асылбеков Нургиса Калыбекұлы мен Әбсеметов Абзал Болатұлы облыстық кезеңіне жолдама алды. ІІ Дәрежелі Дипломға ие болған «ПОЗИТИВ» фракциясы — О.Ағыбайұлы ат. ЖББМ директоры Агадилова Есенкуль Аристанбекқызы мен А.Байтұрсынов ат. ЖББМ директоры Сатыбалдина Қалжан Пернеханқызы иеленді. ІІІ Дәрежелі Дипломға ие болған «Алға Бас» фракциясы — М.Бағысбаев ат ЖББМ директоры Молдахметова Құралай Қуанышбекқызы мен «Алғабас-1» ЖББМ директоры Сатыбалдина Эльмира Пернеханқызы. Турнирде үздік қатысушылар «ҮЗДІК СПИКЕР» номинациясына «АЛҒЫР» фракциясы Амангелді ат. НББМ диреторы Аманов Досмұхан Рустамұлы мен «Тұрар» ЖББМ директоры Даулеталиев Кайрат Есенегелдіұлы; «ҮЗДІК ОРАТОР» номинациясына «БӘСЕКЕ» фракциясы, Ы.Алтынсарин ат.ЖББМ директоры Кыдыралиев Досжан Қуандықұлы мен И.Рыбалко ат.ЖББМ директоры Момышев Бауыржан Мырзакелдіұлы; «МАЙТАЛМАН» номинациясына «ШАБЫТ» фракциясы Ш.Уалиханов ат.ЖББМ директоры Қилыбаева Гульнара Қылышбекқызы мен А.Оразбаева ат. ЖББМ директоры.м.у.а Ешенкулова Гүлзат Шынтайқызы; «ДЕБАТТЫҚ КРЕАТИВ» номинациясына «ҰШҚЫР» фракциясы Қабанбай ат. НББМ директоры Дүйсенова Ұлбике Құраққызы мен Лермонтов ат. ЖББМ директоры Қайшибеков Ердаулет Лесбекұлы; «ТІЛМАР» номинациясына «БОЛАШАҚ» фракциясы Б.Садықов ат. ЖББМ директоры Спабекова Қарлығаш Төрекелдіқызы мен Балалар өнер мектебінің директоры Ертаева Анар Ертайқызы аталған номинациялар бойынша дипломдармен марапатталды. Дебат турниріне білім беру ұйымдарының басшылары берілген қарарларды еркін игеріп, өздерінің ой-пікірін шешендік қабілеті арқылы жеткізіп арнайы номинациларға ие болды. Аудандық турнир қорытындысы бойынша, жоғары балл жинаған жеңімпаз «ШЫҢ» фракциясына, облыстық дебат турнирінде жеңіске жететініне сенім мол.
