ОҚО Сайрам ауданында «Жұмыспен қамту 2020 жол картасы» мемлекеттік бағдарламасын тұрғындар арасында түсіндіру жүйелі жолға қойылған.
Биылғы жылы тиісті бөлімдер және «Нұр Отан» партиясы өкілдерінен құрылған жұмысшы тобы барлық ауыл округтерінде семинарлар өткізді. Жұмыспен қамту орталығы арқылы республикалық, облыстық, жергілікті ақпарат құралдарында мақалалар жарияланса, «Хабар» телеарнасында 1 рет бейне-сюжет көрсетілді. Елбасының тапсырмасына сәйкес, тұрғындар арасында жаңа ашылған жұмыс орындары мен жұмыспен қамтылғандар туралы облыстық басқарма есебінен 4 баннер ілінсе, жергілікті бюджет есебінен де 4 баннерлер орнатылды. Бүгінде Сайрам ауданында «Жұмыспен қамту 2020-жол картасы» бағдарламасы бойынша 1886 адам тұрақты жұмыспен қамтылған, әлеуметтік жұмыс орындарына 312 адам жолданып, жастар практикасынан 257 түлек өткен. Нәтижесінде, жұмыссыздық деңгейі 4,7%-дан 4,6%-ға төмендеген. Жыл жылжыған сайын ауданда кәсіпкерлік нысандары көбейіп келеді. Бұл өз деңгейінде жұмыссыздықты азайтуға сеп болуда.
