Қ. Тыныбеков атындағы жалпы орта білім беретін мектебінде 7 сәуір Құрасбек Тыныбековтың туылған күніне орай «Киелі мекеннің сөнбес жұлдызы» атты аудандық көлемде іс шара өткізілді. Іс-шараға ҚР мемлекеттік сыйлығының лауреаты Рустамов Насыр, ҚР мәдениет қайраткері Баймен Батухан, ҚР қолөнершілер одағының мүшесі Наурызбаев Абдулла, Құрмет орденінің иегері, суретші, Төлеби ауданының құрметті азаматы Құттыбек Жақып, АӘДБ эстетикалық пәндер әдіскері Құрманбекова Маржан апай және Қ.Тыныбековтың сыныптастары Сейтхан Әліханов пен Тойшы Әшірбаев аталарымыз қатысты. Іс- шараға 13 мектептен жас суретшілер келді. Іс шара Қ. Тыныбековтың ескерткішіне гүл қоюмен басталды. Келген қонақтарға Қ. Тыныбеков атындағы мұражайды таныстырып Қ. Тыныбековтың «Өмір жолы» атты бейнеролик көрсетілді. «Өнер мен ғылым егіз» коучинг сабақ өткізіліп концертік бағдарлама қойыьды. Іс шара соңында «Ауылым алтын бесігім» атты сурет байқауына ұласты. Байқауға білім беру ұйымдарынан сурет жанры бойынша 13 мектептен 26 оқушы, қатысты. Оқушылардың шығармашылық қабілетін арттыру, көркем-эстетикалық талғамын дамыту, патриоттық сезімдерін ояту мақсатында өткізілген байқауда оқушылардың тақырып аясында салған көркемсурет туындылары сарапқа салынды. Оқушыр ауданымыздың тұмса табиғатын, көрікті, қасиетті орындарын ережеге сәйкес 2 сағат уақыт ішінде орындап, сарапшылар тобының назарына ұсынды. Сонымен қатар мектеп оқушыларының фототуындылары көрме етіп қойылды. Бейнелеу өнеріне қызығушылығы жоғары, қылқаламды жанына серік еткен оқушылардың туған жерді бейнелеген суреттері көрген жанды тамсандырмай қоймады. Сарапшылар тобының құрамында ҚР мемлекеттік сыйлығының лауреаты Рустамов Насыр, ҚР мәдениет қайраткері Баймен Батухан, ҚР қолөнершілер одағының мүшесі Наурызбаев Абдулла, Құрмет орденінің иегері, суретші, Төлеби ауданының құрметті азаматы Құттыбек Жақып, АӘДБ эстетикалық пәндер әдіскері Құрманбекова Маржан апай болды. Сарапшылар тобы оқушылардың жұмыстарын бағалағанда тақырыпты ашудағы қабілеттілігіне, бояуларды талғаммен пайдаланғанына, идеяның ерекшелігіне және фотоның сапалы түсірілуіне көңіл аударып әділ шешіміндерін шығарды. «Жас суретшілер» байқауыында сапасы жағынан да, идея көркемдігінен де үздік деп танылған жұмыстары үшін 11 оқушы жүлделі орындармен, 5оқушы номинациямен аудандық адами әлеуетті дамыту бөлімінің мадақтама қағаздарымен марапатталды.
