фото ТО ДСБ
Түркістан облысына қарасты Отырар аудандық емханасында облыстық офтальмологиялық аурухананың мамандары дәрігерлердің кеңесі мен тексеруі аясында науқастарды қабылдады. Осы медициналық науқанда 15 адам тексеруден өткізілді. Оның ішінде 2 науқасқа глаукома диагнозы қойылды, 2 науқастың екі көзінің жоғары миопиясы, 3 науқас катарактадан зардап шеккендігі анықталды, тағы 3 науқас операциядан кейін ауруханаға жатқызылды.
Облыстық офтальмологиялық аурухана мен аудандық емхананың бұл ынтымақтастығы шалғай елді мекен тұрғындарының жоғары сапалы көз күтіміне қолжетімділігін арттыруға мүмкіндік береді. Пациенттерге тұрғылықты жерінен шықпай-ақ қажетті емделуге және кеңес алуға мүмкіндік беріледі, бұл әсіресе шалғай елді мекендерде тұратын немесе көшіп-қонуында қиындықтарға тап болған адамдар үшін маңызды.
Осындай науқандар шеңберінде медициналық кеңестер мен ауруханаға жатқызу офтальмологиялық ауруларды ерте анықтауға және емдеуге ықпал етеді, бұл өз кезегінде асқынулардың дамуын болдырмайды және пациенттердің көру қабілетін ұзақ жылдар бойы сақтай алады. Мұндай іс-шаралар халықтың өмір сүру сапасын жақсартып қана қоймайды, сонымен қатар көз денсаулығы мен қоғамның жалпы әл-ауқатын сақтауға ықпал етеді. Ұзақ уақыт бойы емделмеген көз аурулары көздің көруін нашарлатып, ауыр асқынуларға да әкелуі мүмкін. Сондықтан да мұндай шаралардың пайдасы ұшан теңіз. Түркістан облыстық офталмологиялық ауруханасының мамандары облыстағы барлық аудандарды аралап тексеру шараларын жүргізуде. Аудан тұрғындары тәжірибелі дәрігерлерге алғыстарын жаудырды.
