фото Сақ.кз
Түркістан облысы, Мақтаарал аудандық «Мырзакент» аудандық ауруханасының жалпы тәжірибелік дәрігері Өмірхан Нұрсәуле Шыңғысханқызы жаз айларында балалардың қауіпсіздігін қамтамасыз етуге бағытталған «қататравманың» алдын алу бойынша құнды тәрбие жұмыстарын жүргізді. Терезені ашық қалдырмау, тұтқаны жабу, арнайы қорғаныс орнату, құрылғыларды терезеден алыс жылжыту сияқты сақтық шараларының маңыздылығын атап өтті. Бұл қарапайым шаралар, әсіресе терезелер мен балкондар ашық болған маусымда жазатайым оқиғалардың қаупін айтарлықтай азайтады.
Көп жағдайда ата-ананың қарауынсыз қалған балалар түрлі жағдайларға тап болып жатады. Терезелерге тор темірлер орнатпаудың салдарынан балалардың құлап кетуі, дәретхана тесіктерінен түсіп кетуі сияқты түрлі қайғылы жағдайлардың орын алып жатқаны жасырын емес. Кейде балалар осындай оқыс оқиғалардан қатты жарақаттар алып, ауруханаға түсіп жатады. Сондықтан да осындай оқыс оқиғалардың алдын алу мақсатында түрлі бағыттағы түсіндірме жұмыстары жүргізілуде.
Дәрігердің Мақтаарал өңірінің тұрғындарына арнаған бейнеүндеуінде осы қауіпсіздік шараларын сақтаудың маңыздылығы тағы да айтылды. Мұндай бастамалар қоғамның назарын мәселеге аударуға және адамдарды алдын алу шараларын қабылдау қажеттілігіне көмектеседі. Сондай-ақ олар жазатайым оқиғалардың алдын алу және балалардың денсаулығын сақтау туралы ақпаратқа қол жеткізуге мүмкіндік береді.
Түсіндіру жұмыстары мен бейне хабарламалар қоғамда қауіпсіздік және балаларға қамқорлық мәдениетін қалыптастыру жолындағы маңызды қадамдар болып табылады. «Кататравманың» алдын алу қоғамның барлық мүшелерінен жүйелі көзқарас пен назар аударуды талап етеді, бұл процесте дәрігер мен басқа да медицина қызметкерлерінің күш-жігері басты рөл атқарады.
