фото Сақ.кз
Түркістан облысына қарасты Сарыағаш ауданының әкімі Арман Абдуллаев медицина қызметкерлерінің кәсіби мерекесіне орай өткізіліп жатқан медицина қызметкерлерінің арасында спартакиаданың ашылуына қатысты. Аудан басшысы ақ халатты абзал жандардың кәсіби мерекесімен құттықтап, іс-шараны ашық деп жариялады.
Арман Абдуллаев өз сөзінде медицина қызметкерлерінің еңбегінің маңыздылығын және олардың халық денсаулығын қамтамасыз етудегі өлшеусіз үлесін атап өтті. Ол барлық қатысушыларға еңбектері мен жұмыстарына берілгендіктері үшін алғысын білдірді. Жарыстар достық және спорттық-бәсекелестік жағдайында өтті, олардың мақсаты медицина қызметкерлерінің кәсіби шеберлігі мен спорттық жетістіктерін көрсету ғана емес, сонымен қатар достық қарым-қатынасты нығайту және салауатты өмір салтын қолдау болды. Жарысқа қатысушылар тамаша спорттық нәтиже көрсетіп, жоғары дайындық деңгейін көрсетті. Шара соңында жеңімпаздар мен жүлдегерлер марапатталып, лайықты марапаттар мен алғыстарға ие болды. Медицина қызметкерлері арасында спорттық жарыстардың ашылуы мен өткізілуі барлық қатысушылар үшін тамаша оқиға болды, олар өздерінің спорттық шеберліктерін көрсетіп қана қоймай, әріптестері мен достарының ортасында демалуға және уақытты өткізуге мүмкіндік алды.
Арман Абдуллаев, Сарыағаш ауданының әкімі: «Аса қадірменді медицина саласының қызметкерлері сіздерді келе жатқан кәсіби мерекелеріңізбен шын жүректен құттықтаймын! Ең басты байлық әрине денсаулық, денсаулықты нығайту жолында атқарып жатқан жемісті де жеңісті еңбектеріңіз орасан. Осы салада тер төгіп жүрген әрбіріңіздің еңбектеріңіз мақтауға лайықты. Халықтың денсаулығын сақтау мемлекеттік саясаттың басты бағыты екені белгілі. Осы орайда, денсаулықты сақтау жолында атқарып жатқан еңбектеріңіз еселі болсын, барлық істеріңізге сәттілік тілеймін».
Ал Сарыағаш аудандық орталық ауруханасының басшысы Б.Мирзалиев: «Аудандық орталық ауруханамызда ылғи кәсіби мамандар топтастырылған. Бүгінде алтын қолды дәрігерлеріміз күрделі оталарды сәтті жүзеге асырып жүр. Әріптестеріме еңбек жолдарына табыс, төзімділік пен күш қайрат және отбасыларына бақыт тілеймін» деді.
Спартакиада Сарыағаш қаласы, «Арыстан баб колледжінің» спорт алаңында өтті. Аталмыш жарысқа медицина қызметкерлері барын салып дайындалғандары көрініп тұрды. Барлық спорттық бәсеке асқан бәсекелестікпен өтті. Барлық командалар бар күш жігерін салып, қатысты. Жарыс волейбол, футбол, арқан тарту, үстел теннисі бойынша өтті. Аталған іс-шараға ШЖҚ «Сарыағаш аудандық орталық ауруханасы» МКК-на қарасты барлық емдеу мекемелерінің барлық қызметкерлері қатысты. Дүбірлі додада денсаулық сақшылары күні бойы аса тартысты өтті. Барлық команда жеңіске лайықты деп танылды.
