Түркістан облысына қарасты Мақтаарал аграрлық колледжінде дәстүр бойынша студент жастардың тыныс-тіршілігінің жалпы мәселелерін дербес шешу, оның әлеуметтік және оқ мәдениетін насихаттау, білім беруді дамыту, шығармашылық белсенділігін дамыту, әлеуметтік маңызы бар бастамаларды қолдау және іске асыру мақсатында 2023-2024 оқу жылының сайлау нәтижесінде Студенттік Парламент президенті болып сайланған «Ауыл шаруашылығын механикаландыру» мамандығының 3 курс тобының студенті Айбеков Мейрамбек Шамшиддинұлы студенттер алдында салтанатты түрде ант қабылдады. Жастар ісінің инспекторы Ұ.Абдикалиев студенттік парламент ұйымының министрлерін студенттерге таныстырды. Алдағы уақытта бірлесе жұмыс істеуге шақырды. Бұдан кейін аталмыш Мақтаарал аграрлық колледжінде «Құқық негіздері» пәнінің оқытушысы М.Ақышев жастар арасында нашақорлықтың адам ағзасына тигізетін әсері жайлы мағлұмат беру, есірткінің салдарынан болатын аурулар туралы, өз денсаулықтарына ұқыпты қарауға, салауатты өмір салтын ұстануға тәрбиелеу мақсатында «Нашақорлық – ортақ қасірет» тақырыбында кездесу өткізді. Жиынға Мақтаарал ауданы полиция бөлімі жергілікті полиция бөлімінің инспекторы Сапар Тастанұлы, Атакент ауруханасы «Салауатты өмір салтын қалыптастыру» орталығының дәрігері Ә.Х.Лесбекова қатысып, зиянды әдеттер көптеген аурулардың пайда болуына әсер етіп, адам денсаулығына орасан зор зиянкестік әкелетін факторлар болып табылатынын түсіндірді, оқушылардың сұрақтарына жауап берді.
