Оңтүстік Қазақстан облысына қарасты Кентау қаласының жастары қашанда туған қалаларының мерейін өсіріп, атағын аспандатуға бейіл. Жаңашылдыққа жаны құмар жастар жуырда тағы да бір игі істің бастамашысы болмақ. Кентау қаласы күні мерекесіне орай «Кентауым – мақтанышым» атты бейнероликтер жасау байқауына белсене атсалысуға шақырып отыр. Әрі өздері де өз қалаларының ғажайып қырларын, бекерден бекер «Қаратау тәжі» атанбағандығын дәлелдеуге құлшынып отыр. Әрі өзге де мәдениет майталмандарын осы байқауға белсене қатысуға шақырады.
Байқаудың басты мақсаты – Елбасының «Болашаққа бағдар: рухани жаңғыру» мақаласындағы «Туған жер» бағдарламасын жүзеге асыру, жастарды белсенділікке шақыру болып табылады. Үздік жасалған бейнероликтер алдағы уақытта жергілікті телеарналардан көрсетілетін болады. Сонымен қатар, белсене атсалысып, көркем, мағыналы бейнеролик жасаған жастар арнайы сыйлықтармен, дипломдармен марапатталады.
Байқау шарттары: кез келген азаматтар қатыса алады. Бейнероликтердің ұзақтығы 3 минуттан аспауы тиіс. Ұсынылатын тақырыптар Кентау қаласының көрікті жерлері, Кенді қаланың әйгілі тұлғалары, Кентаудың киелі жерлері, Қаратау тәжі Кентаудың әсем табиғаты, Кентаудың қарапайым тұрғындары, Кентау – дарындылар мен таланттылар мекені. Бейнеролик түсіру барысында осы шарттар орындалуы тиіс.
