ОҚО Созақ ауданы А.Байтұрсынов атындағы жалпы орта мектебіның спорт залында «Жастар ресурстық орталығы» КММ-нің ұйымдастыруымен «Мен өмірді таңдаймын!» атты жоғары сынып оқушылары арасындағы мәдени шара болып өтті. Шараның мақсаты: Жастар арасындағы келеңсіз жағдайлар мен аутодеструктивті оқиғалардың алдын алу; Жастар арасында салауатты өмір салтын кеңінен насихаттау; Жастардың бойындағы шығармашылық қабілеттерін, өнерге деген құштарлығын арттыру, жастардың мәдениетке деген қызығушылығын ояту, талантты және дарынды жастарға қолдау көрсету болып табылады. Аталған шараға төрелік етуге «Жастар ресурстық орталығы» КММ-нің Талантты жастарды қолдау бөлімінің нұсқаушысы Саржанов Біржан, Аудандық Салауатты өмір салтын қалыптастыру орталығының дәрігері Білісбаев Бекболат, Аудандық білім бөлімінің психолог әдіскері Оралбекова Манар және ауданымыздың белсенді жастары қатысты. Сайыстық іс-шара 2 айналымнан тұрды: Тақырыпқа сай алдын ала дайындалған театрлық қойылым; Тақырыпқа байланысты креативті жарнама немесе қабырғалық газет жасау (іс-шара барысында орындалды)
Шараға 5 топ қатысты: А.Байтұрсынов атындағы жалпы орта мектебінің «Болашақ» тобы, Ә.Молдағұлова атындағы жалпы орта мектебінің «Жасұлан» тобы, «Шолаққорған» жалпы орта мектебінің «Шолаққорған» тобы, Ы.Алтынсарин атындағы жалпы орта мектебінің «Шуақ» тобы және Т.Әлімқұлов атындағы №14 лицей-интернатының «Ізгілік» тобы. Топтар сайысқа жақсы дайындалғандарын көрсетті. Әділ қазылар алқасы шешімі бойынша 1 орынды «Болашақ» тобы, 2 орынды « Ізгілік» тобы, 3 орынды «Шуақ» тобы иеленіп, бағалы сыйлықтар мен алғыс хаттар табысталды. Ал, «Шолаққорған» тобы мен «Жасұлан» тобы белсенділік танытқандары үшін алғыс хаттарымен маратпатталды.
