Оңтүстік Қазақстан облысына қарасты Созақ аудандық білім бөлімінің бастамасымен Елбасы Н. Ә. Назарбаевтың «Болашаққа бағдар: рухани жаңғыру» баяндамасы мен «Қазақстан Республикасы Тілдер күні» мерекесіне орай «Тілім барда айтылар сыр ойдағы» атты пікірсайыс турнирі Амангелді Иманов атындағы жалпы орта мектебінде өз мәресіне жетті. Турнирдің бірінші бөлімінде тіл мерекесіне орай Амангелді Иманов атындағы жалпы орта мектебінің өнерпаз оқушыларының әдеби-сазды қойылымы болса, екінші бөлімінде пікірсайысшылар тартысы, үшінші бөлімде төрешілердің қатысуымен шебер сынып көрсетілді. Мәдени шараға оқушылар барын салып дайындалғаны көрініп тұр. Әрі бір ізге түскен кештей емес аталған сайыс өте қызықты етіп қйымдастырылды. Оқушылар жеңісті қолдан бермеу үшін барынша тырысып бақты. Пікірсайыс нәтижесінде «Қарағұр» жалпы орта мектебінің оқушылары 1-орын, Бөкенов атындағы жалпы орта мектебінің оқушылары 2-орын, С. Әліұлы атындағы жалпы орта мектебінің оқушылары 3-орын иеленді. М. Әуезов атындағы жалпы орта мектебінің оқушылары «Үздік талпыныс» номинациясын иеленсе, «Үздік спикер» номинациясын Иманов атындағы жалпы орта мектебінің 11-сынып оқушысы Темірбек Балсезім иеленді.
