Түркістан облысына қарасты Сарыағаш ауданының білім бөліміне қарасты жалпы білім беру ұйымдарында қазақ тілі мен әдебиеті, орыс тілі мен әдебиеті, ағылшын тілі, өзбек тілі, тәжік тілі пәні мұғалімдеріне арналған «Мәңгілік ел — мәртебелі тіл» тақырыбында онкүндік өткізіліп жатыр. Аталған онкүндік іс-шарасына орай Ж.Аймауытов атындағы, Ю.Гагарин атындағы жалпы орта мектептерінің базаларында қазақ тілі мен әдебиеті, орыс тілі мен әдебиеті, ағылшын тілі пәні мұғалімдерінің арасында «Ж.Аймауытов педагогикалық еңбектеріндегі ұлттық құндылықтардың көрінісі» тақырыбында зерделеу жоба жұмыстарының байқауы ұйымдастырылып өткізілді. Байқауға қызығушылық өте жақсы, мұғалімдер ізденген, жақсы дайындықпен келген. Бұдан бөлек, №3 М.Ломоносов атындағы ЖОББМ «Мәңгілік ел — мәртебелі тіл» атты Тілдер апталығының жабылу салтанаты өтті. Салтанатты жиын аудан деңгейінде ұйымдастырылып өткізілді. Үштұғырлы тілді дәріптеу мақсатында өткізіліп, білім алушылардың қазақ, орыс, ағылшын тілдерінде мәнерлеп өлеңдер оқуымен жалғасты. Сондай-ақ Тілдер апталығында өткізілген іс-шараларға белсене қатысып, жүлдегер атанған, нағыз тіл жанашыры бола білген білім алушыларды марапаттау рәсімі болды. Жиында биші қыздардың орындауында әсем би мен Қазақстан халықтары әндері шебер орындалып, көрермендерге ерекше мерекелік көңіл-күй сыйлады
