KitapХАН@ Түркістан облысы педагогтері арасындағы кітап оқу жобасына Болат Өтемұратов қоры демеушілік жасап, мазмұнға бай, жоғары талғамға сай Steppe&world» баспасының кітаптарын әперді. Бұл кітаптар Түркістан облысының педагогтеріне арналған «KitapХАН@ » жобасына қатысып, жеңімпаз атанған мұғалімдер мен оқушыларға сыйлыққа үлестіріледі. KitapХАН@ жобасы Түркістан облысында үшінші жыл қатарынан сәтті өтіп келеді. Әр мұғалім мен оқушының асыға күтетін кітап оқу жарысы болып, кең танылып отыр. Облыс педагогтары Болат Өтемұратов қорына алғыс білдіріп отыр. Мемлекет басшысының білімді ұрпақ тәрбиелеу жөніндегі тапсырмасын орындау мақсатында Түркістан обылысында 2021 жылдан бастап «KitapХАН@» кітап оқу жобасы бастау алды. Жоба облыстың білім беру ұйымдарының ұстаздары, оқушылары және ата-аналар қауымының кітап оқу мәдениетін терең қалыптастыру, шығармашылық әлеуетін арттыру мақсатында жүргізіліп келеді. Мақсат – әр мектепті оқуға құштар ұйымға айналдыру, білім беру ұйымдарының ұстаздары, колледж оқытушылары және ата-аналардың кітап оқуға деген құштарлығын арттыру, оқушылар арасында кітап оқу мәдениетін қалыптастыру, шығармашыл әлеуетін арттыру болып табылады. «KitapХАН@» жобасына «Болат Өтемұратов» қоры, «Отбасы хрестоматиясы» қоғамдық қоры, «Мазмұндама», «Steppe and world» баспа үйлері қолдау көрсетуде.
