Оңтүстік Қазақстан облысы Қазығұрт ауданындағы «ONTUSTIK» кәсіпкерлерге қызмет көрсету орталығы ЖШС-нің Қазығұрт аудандық филиалы, Жастар ресурстык орталығы КММ бірлесіп, Шарбұлақ ауылында «Болашақ-жастардың қолында» тақырыбы аясында семинар-тренинг өткізді.
Семинар-тренингте Нәтижелі жұмыспен қамтуды және жаппай кәсіпкерлікті дамытудың 2017–2021 жылдарға арналған бағдарламасының негізгі тетігі болып табылатын «ONTUSTIK» кәсіпкерлерге қызмет көрсету орталығы ЖШС-нің кәсіпкерлерге көрсететін қызметтері туралы кеңінен түсіндірілді.
Сонымен қатар өндірістік кооперативтерді құру, мемлекеттік қолдаулар туралы семинарда айтылып жастардың қызығушылығына ие болды. Бүгінде қазығұрттық жастардың кәсіпкерлік саласында бағын сынауға деген құлшыныстары орасан. олар арнайы тренингтерге қатысып, аталған саланың қыр сырына қанығуда. Сондай ақ жуырда ғана кәсіпкер Ахметова Сәуле «ONTUSTIK» кәсіпкерлерге қызмет көрсету орталығы Қазығұрт филиалына келіп, балабақша ашу мақсатында, филиалдың бизнес-тренері Қ.Жұмағұлов кеңес беріп, «Балайша» бөбекжай балабақшасының қажетті құқықтану құжаттарын рәсімдеуге көмек көрсетіп, әділет басқармасына тіркеді. Балабақша ашуға ниет білдірген тұлғалар «ONTUSTIK» кәсіпкерлерге қызмет көрсету орталығы ЖШС-нің, Қазығұрт аудандық филиалына келіп кеңес алып көмек көрсетуге әрдайым дайын.
