Бүгінде Оңтүстік Қазақстан облысында қызмет көрсету саласында тер төгіп жүрген кәсіпкерлер көп. Олар әрдайым қалта қамын ойламай әлеуметтің жағдайына да қарасып отырады. Жуырда облыс орталығында «Садыхан» дәріханалар желісінің жаңа орталығы ашылды. Енді мұнда дәрі-дәрмектер мен медициналық құрылғыларды төмен бағада сатып алуға болады. «Садыхан» дәріханалар желісінің жаңа орталығы қала тұрғындары үшін жұмысын бастады. Мұнда жанына шипа іздеген жандар өзіне қажеттісін алысқа бармай-ақ дәріханадан сатып алуына болады. Мұндағы дәрі-дәрмектер мен медициналық құрылғылардың бағасы төмен, әрі сапасы жақсы. Оксана Журавлева, «Садыхан Фарм Лидер» ЖШС-нің директоры: «Біздің дәріханадағы дәрілердің барлығы тіркеуден өткен. Ал, бағасы төмен. Біз тауардың бағасын халықтың қалтасына қарай жеңілдетіп қоямыз. Тіпті арзан бағадағы тауарларымызды тұрғындар өзге де дәріханалармен салыстырып көрсе болады. Біз бұған кепілдік бере аламыз». Кәсіпкер осылайша әлеуметтің әлеуетіне қарайласып отыр. Жаңа орталықтың ашылу салтанатында қала тұрғындары мұндағы тауардың сапасын бағалауға мүмкіндік алды. Одан бөлек қажетті дәріні таңдауда фармацевттер көмектеседі. Бір артықшылығы «Садыхан» дәріханасына енді әлеуметтік желі арқылы да тапсырып беруге болады. Бұл үшін интернет дүкені жұмыс істемек. Ал берген тапсырты дәріні мамандар үйіңізге әкеліп береді.
