Экономика

200-ден аса асыл тұқымды ірі қара бағып отыр

Редактор 30.10.2022 11642 1 оқу мин

19-ғасырда Шотландияда дүниеге келген Абердин-Ангус тұқымды ірі қара малын бүгінде өңірімізде өсіріп отырғандардың қатары көп. «Байбағыс»шаруа шаруашылығына жетекшілік етіп жүрген Ерғали мырзада Абердин-Ангус тұқымды етті бағыттағы ірі қараның 200-ден аса басы бар. Қазіргі уақытта жем-шөп базасын нығайту үшін күздік егін егу мақсатында несиеге құжат дайындап шапқылап жүр. Түркістан облысы Бәйдібек ауданында жеке кәсіпкер Ерғали мыра ірі қара мал шаруашылығын дамытуды қолға алған. Кәсіпкер бүгінде «Абердин-Ангус» тұқымды ірі қара бағып кәсібін дөңгелетіп отыр. Абердин-ангус асыл тұқымды түрінен құнажын мен асыл тұқымды үш бұқа сатып алған кәсіпкер бұл етті сиырлардың жерсінуі қиынға соқпағанын айтады. Қазіргі таңда ірі қара саны артып келеді. Малдың бұл төлі табиғи түрде жылдам салмақ қосу мүмкіндігіне ие. Жергілікті бұқалар күніне 400-500 грамм салмақ қосса, бұлар күніне 1,5-2,5 келі аралығында салмағын ұлғайта алады. Генетикасы жақсы»,-дейді кәсіпкер. Абердин-ангус асыл тұқымды сиырларының тағы бір ерекшелігі — бұзаулары анасынан кішкентай болып туылып, тез өседі. Қақаған аяз бен аптап ыстыққа шыдамды, әрі ауруға төзімді болып келеді. Өгізшелерді көбейтіп, елдегі мал басын асылдандыруды басты ұстанымы санайтын фермер алдағы уақытта мал басын 2-3 мың басқа жеткізу жоспарында бар. Мұндай жағдайда малшылар саны тағы да артатын болады. Әрқайсысы 1 тоннадан астам ет беретін асыл тұқымды бұқалар ерекше күтімге алынған. Тіпті жем-шөбіне жұмыртқа мен сәбіз және қырыққабатқа дейін қосып беріледі.

Добавить комментарий Отменить ответ