Экономика

Жүзім алқаптары жайқалып тұр

Редактор 29.04.2023 8866 1 оқу мин

Түркістан облысына қарасты Ордабасы ауданында аумақты көкөністермен, жеміс жидекпен қамтамасыз етіп отырған алып серіктестіктер жетерлік. Солардың бірі Шұбар ауылдық округіндегі «Арлан Строй» жауапкершілігі шектеулі серіктестігі. Серіктестіктің алқабында үлкен жүзімдік пен жеміс бағы бар. Бірлестік директоры Б.Амантайұлының айтуынша, бұл мүмкіндігінше ауыл тұрғындарын жұмыспен қамту мақсатында жасалып отыр. Жаздық маусым кезінде жүзімге сұраныс артатыны белгілі. Сондықтан да серіктестік басшысы осы өнімді өсірмекке бел буған. Мұнда Өзбекстаннан әкелінген 10 мың жүзім егілген. Басым бөлігі асханалық сорттар, соның ішінде аса сұранысқа ие кишмиш те бар. Дәнегі жоқ мұндай жүзімге нарықта сұраныс басым екені белгілі. Піскен кезде толайым солай да сатуға болады. Одан бөлек кептірілгенде жоғары сапалы мейіз береді. Белгілісі кептірілген жемістердің бағасы бүгінде аса қымбат екендігі. Демек кептірілген кишмиш өтімсіз болмайды деген сөз. Негізінде тәтті өнім үш жылдан кейін ғана нышан крсетіп, жеміс бере бастайды. Оған дейін жақсылап күтім жасалады. Мамандардың есептеуінше әр гектардан 30 тоннадан өнім жиналады деген жоспар бар. Ал алдағы уақытта жүзімдік алқаптарын 20 гектарға дейін ұлғайту да негізгі жоспар болып отыр. Ұдайы тәжірибе жасаудан, одан көп алудан жалықпайтын серіктестік басшысы алдағы уақытта шие ағаштарын отырғызбақ. Ең алдымен 200 көшет отырғызып шығымын байқамақ. Одан кейін бақша аумағын кезең-кезеңімен ұлғайтамыз деп отыр. Шие де өтімді жемістің бірі екені белгілі. Одан шырын, варенье жасайтындар сауданы қыздыратыны белгілі. Бұнымен де тоқтап қалмауды құп көретін серіктестік биылдғы күзде саңырауқұлақтар өсіруді қолға алмақ. Әзірге бұл өнімді өсіру жолдарын, күтіп баптау жолдарын зерттеп жүр. Саңырауқұлақтардың ішіндегі шампиньондарды өсіруді қолға алмақ. Дәмі еттен кем емес өнімге сұраныс жоғары болары анық.

Добавить комментарий Отменить ответ