Экономика

Етті терең өңдеуді қамтитын жабық, тәуелсіз өндірістік цикл бар

Редактор 30.04.2023 5391 1 оқу мин

Инкубатор ООО "Евродон" - предприятия, специализирующегося на производстве мяса индейки.

Түркістан облысына қарасты Ордабасы ауданындағы Бадам ауылдық округіндегі құс фабрикасы осыдан он үш жыл бұрын іске қосылған болатын. Сол уақыттар бері еліміздегі күркетауық етін өндіретін және терең өңдейтін алғашқы және жалғыз кәсіпорын қазақстандықтарды экологиялық таза және диеталық өнімдермен қамтамасыз етіп келеді. «Ордабасы құс» ЖШС-нің өндірген өнімі бүгінде тұтыншыларын тапқан, өз брендін қалыптастырып үлгерген кәсіпорын. Өнімдері өте сапалы. Деликатестері керемет. Күркетауық етінен жасалған жұшық, орама, тіпті қазысы да бар. Сапалы да дәмді өнімдерін фирмалық дүкендерінен таба аласыз. Биылғы жылдың басында Франциядан жеткізілген 54 мың дана күркетауық жұмыртқасы «Ордабасы құс» ЖШС инкубаторына салынған болатын. Оның ішінде балапандары 28 күннен кейін басып шығарды. Серіктестік өкілдерінің айтуынша, өткен жылдың қараша айында инкубаторға да жұмыртқа басылып, одан 50 мың бас түйетауық шыққан. Өндірісте инкубациялау, құс өсіру, сою және етті терең өңдеуді қамтитын жабық, тәуелсіз өндірістік цикл бар. Бүгінде кәсіпорын «Дәмді ет» сауда белгісімен жылына 10 мың тонна күркетауық етін және жүзден астам өнім түрін шығарады. Өнімдер Ресей мен Қырғызстанға экспортталады. Компания көптеген марапаттармен, дипломдармен және сертификаттармен марапатталған, соның ішінде «Қазақстанның үздік тауарлары» республикалық байқау-көрмесіндегі жеңіс. Ал ол еліміздің сапа саласындағы басты марапаты – Қазақстан Республикасы Президентінің «Алтын сапа» сыйлығын «2016 жылдың азық-түлік немесе ауыл шаруашылығы өнімдерін шығаратын үздік кәсіпорын» номинациясы бойынша алды. «Бизнестің жол картасы-2020» бағдарламасы аясында құс фабрикасына 128 миллион теңгеге газ құбыры тартылып, ішкі жолдар тартылды.

Добавить комментарий Отменить ответ