Бүгінде Оңтүстік Қазақстан облысында туристік бизнес саласын дамыту үшін барынша қолайлы жағдай туғызу үшін ілкімді істер атқарылуда. Бәсекеге қабілетті туристік кластер қалыптастыру мақсатында қолға алынып отырған туристік жобаларды жүзеге асыруға ықпал етіп, барынша кәсіпкерлерге қолайлы жағдай жасауда облыс әкімдігі де барынша көмек қолын созуда. Ол үшін тәжірибе алмасарлық түрлі іс-шаралар ұйымдастырылып та жатыр. Ал «Ontustiк» туристік-ақпараттық орталығы бүгінде облысымызға табан тіреген туристердің жол бастаушысына айналған. Атқарып отырған жұмыстары ауқымды. Аталған орталық ішкі туризмді дамыту мақсатында апта сайын жүйелі түрде туризм саласында қызмет көрсетіп жүрген азаматтар мен кәсіпкерлердің басын біріктіріп, онда өңір туризмінің дамуына талдау жасалып, осы бағытта кездескен мәселелерді шешудің жолы қарастырып отырады. Оған жекелей азаматтардың да қосар үлесі мол. Орталыққа өзінің идеяларын айтып, көмектесіп отырса әрине келісіп пішкен тон келте болмайтыны анық. Бүгінде облыс орталығында көптеген туристік іс-шаралар өткізілуде. Осындай шаралардан қалыс қалмай, көпшіліктің көкейінде жүрген мәселелердің түйінін тарқатуға атсалысса, ешкімнің ойында жоқ ерекше озық идеяларын ортаға салса әрине облыстағы туризм саласын дамытуға қосқан үлесі қомақты болар еді. Жуырда Оңтүстік Қазақстан облысының орталығында 6-8 қазан күндері туристік бағыттарлы дамытуға арналған ірі іс-шара өтеді. Шара барысында облыстағы ішкі туризмді дамыту мәселелері кеңінен талқыланбақ.
