Экономика

Мал базарында жұмыстар жүргізілді

Редактор 12.06.2023 19163 1 оқу мин

Түркістан облысына қарасты Кентау қалалық Жастар ресурстық орталығы КММ-і, Халықты жұмыспен қамту орталығы және Кентау қалалық «Атамекен» кәсіпкерлік палатасы мен бірлесе мемлекеттік бағдарламалар бойынша қаладағы мал базарында ақпараттық түсіндірме жұмыстарын жүргізді. Түсіндірме жұмыстарының мақсаты – жұмыссыз жастарды жұмыспен қамту, кәсіпкерлік бағдарламалары, ауыл шаруашылығы саласында кәсіп бастау мен тұрғын үй жөнінде ақпараттармен таныстыру. Түсіндірме жұмыстары барысында қаланың мал базарында жастарға мемлекеттік жұмыспен қамту бағдарламалары: «Жастар практикасы», «Алғашқы бос жұмыс орны» және «Ұрпақтар келісім-шарты» жөнінде ақпараттар берілді. Сонымен қатар, Қазақстан Республикасы Еңбек және халықты әлеуметтік қорғау министрлігінің Кәсіпкерлікті дамыту жөніндегі 2021-2025 жылдарға арналған ұлттық жоба шеңберінде іске асырылатын шағын несие 21 жастан 35 жасқа дейінгі жас кәсіпкерлерді қолдауға бағытталған 2,5% несие жөнінде де толыққанды мағлұматтар айтылып, жадынамалық парақшалар тарқатылды.

Добавить комментарий Отменить ответ