ОҚО Түлкібас ауданының әкімі Ә.Тұрғымбеков кезекті жұмыс кестесіне орай Састөбе поселкесінде болып, Машат, Арыс, Келтемашат, Балықты ауылдық округтердің шаруа қожалықтар мен өндірістік кооперативтердің басшыларымен кездесіп, ауыл ішінде кәсіпкерлікті дамытуға шақырды.
Соңғы әлетте ауданда кәсіпкерлік кең қанат жайып келеді. Мәселен, жыл басынан бері ауданда 106 азамат өз ісін ашуға, мемлекет тарапынан беріліп отырған қаржы ұйымдар арқылы несие алып, түрлі бағытта өз жобаларын жүзеге асырды. Оның ішінде 32 кәсіпкер «ЫРЫС» микро қаржы ұйымы арқылы жалпы сомасы 81 млн тенге және 71 азамат «Ауыл шаруашылығын қаржылай қолдау» қоры 186,6 млн теңге, 3 кәсіпкер «Түлкібас несие серіктестігі» арқылы жалпы сомасы 14,2 млн теңге алған. Кездесуде ауданның кәсіпкерлік мүмкіншіліктері жайлы аудандық кәсіпкерлік бөлімінің басшысы А.Жабағы, жергілікті жерлерде кооперативтер құру бойынша аудандық ауылшаруашылық және жер бөлімінің М.Желдібаев, кәсіпкерлерге қызмет көрсету орталығының өкілі кәсіпкерлік қалай бастау керектігі жайлы айттып өтті.. Аудан басшысы Ә.Тұрғымбеков ауданда құрылған индустриялды аймаққа өз кәсібің ашу, мемлекет тарапынан беріліп жатқан мүмкіндіктерді пайдаланып, кәсіпкерлікпен айналысуға шақырды.
