Бүгiнде Оңтүстік Қазақстан облысында ғана емес, еліміз бойынша ірі кәсіпорындардың қатарына кіретін «KАRLSKRONА LC АВ» ЖШС-i шығарған өнімдері жоғары сұранысқа ие. Компания — айналмалы құралдарды өндiру бойынша еліміздегі машина жасау саласындағы бiрегей кәсiпорын. Өнiмдерi тек ішкі нарықта ғана емес Орта Азия аумағында сатылуда. «KАRLSKRONА LC АВ» компаниясының және оның еншiлес кәсiпорындарының өндiрiстiк қуаты сорғыш жабдықтардың бесiншi бөлiгiн, реттегiш арматураларды, жылу алмастырғыштар мен су тазарту жүйелерiн шығаруға қауқарлы. Бүгiнде бұл компания монтаждау, сорғы (насос) бөлшектерiн дайындау, электротехникалық жабдықтар және су сорғылары мен су тазалағыштарын жасап шығаруда. Соңғы кезде өңiрiмiздегi мемлекеттiк мекемелер мен тұрғын үйлерге орнатылатын су, жылу, кәрiз сорғылары – осы компанияның өнiмдерi. 202 адамды тұрақты жұмыспен қамтып отырған зауыттың негiзгi базасы Шымкент қаласында орналасқанымен, Алматы, Астана, Қызылорда қалаларында да бөлiмшелерi бар. Кәсiпорын өнiмдерi Өзбекстан, Тәжiкстан, Қырғызстан елдерiне экспортталуда. Кәсiпорын металдарды өңдеудiң соңғы технологиясымен жабдықталған. Орталық Азияда теңдесi жоқ немiс және жапон құрылғыларын қолданады. Зауытта жасалған барлық өнiм қазақстандық СТ-KZ сертификатын иемденген. Өнiм шығару және басқару халықаралық стандарттар бойынша жүзеге асады. Жақында Бадам ауылында жаңа зауыт салынбақ. Бұл жаңа жұмыс орындары ашылады. Әрине ең алдымен жергілікті тұрғындарды жұмыспен қамту жоспарларында бар.
